১৮ জুলাই ২০২৩ উৎক্ষেপণৰ পাছত ২৩ আগষ্টত সফলভাৱে চন্দ্ৰত অৱতৰণ কৰিছিল চন্দ্ৰযানে৷ চন্দ্ৰৰ দক্ষিণ মেৰুত চন্দ্ৰযান উপস্থিত হোৱাৰ পাছতেই উৎসাহ বাঢ়িছে ইছৰোৰ৷ এইবাৰ অভিযান চন্দ্ৰযান-৪ৰ৷ ছেপ্টেম্বৰতেই চন্দ্ৰযান-৪ৰ অভিযানত সন্মতি দিছে কেন্দ্ৰীয় চৰকাৰে৷ জনা গৈছে এই প্ৰজেক্টৰ সাম্ভাব্য বাজেটো৷ ২১০৪.০৬ কোটি টকা ব্যয় হ’ব চন্দ্ৰযান-৪ত৷
ইছৰো প্ৰধান এছ সোমনাথে এইবাৰ জনাইছে চন্দ্ৰযান-৪ অভিযানৰ পৰিকল্পনা আৰু অভিযানৰ দিনক্ষণ৷ ইয়াৰ সৈতে জনাইছে গগনযান মিছন সম্পৰ্কেও৷ ছৰ্দাৰ পেটেল মেমোৰিয়েলত দিয়া বক্তৃতাত সোমানাথে জনাইছে, ‘২০২৮ চনৰ চন্দ্ৰযান-৪ অভিযান চলোৱা হ’ব পাৰে৷ গগনযান লঞ্চ কৰাৰ পৰিকল্পনা আছে ২০২৬ত৷’
চন্দ্ৰযান-৩ৰ সাফল্যৰ পাছত কাম চলিছে চন্দ্ৰযান-৪ আৰু গগনযানক লৈ৷ গগনযান হ’ব দেশৰ প্ৰথম মানুহবাহী মহাকাশ মিছন৷ অন্যহাতে চন্দ্ৰযান-৪ৰ পাছত চন্দ্ৰযান-৫ক লৈয়ো পৰিকল্পনা থকাৰ কথা জনাইছে সোমনাথে৷ জাপান মহাকাশ সংস্থা জে এ এক্সএৰ সৈতে একত্ৰে এই প্ৰকল্পৰ কাম কৰি আছে ইছৰোৱে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
