উকা হৈ ৰ’স দেৱালীৰ উলাহ, দুৰ্ঘটনাই একেলগলে প্ৰাণ কাঢ়িলে পিতা-পুত্ৰীৰ
এফালে অন্যৰ ঘৰত চাকিৰ পোহৰ, আনফালে এঘৰৰ দুগৰাকীকৈ লোকৰ একেলগে জ্বলি উঠিল দুখন চিতা। এক দুৰ্ঘটনাই একেলগে প্ৰাণ কাঢ়িলে পিতা-পুত্ৰীৰ। কিলাৰ হাইৱেত প্ৰাণ গল দুয়ো পিতা-পুত্ৰীৰ।
এই অতিকে শোকাৱহ দুৰ্ঘটনা মঙলদৈৰ। কালি নিশা দুৰ্ঘটনাত একেলগে প্ৰাণ হেৰুৱালে পিতৃ মথুৰা নাথ ডেকা আৰু কন্যা নন্দিতা ডেকাই।
দেৱালী উপলক্ষে ঘৰলৈ বুলি ৰাওণা হৈছিল। কিন্তু ঘৰ গৈ দেৱালী উদযাপন কৰা নহল নন্দিতাৰ । উকা গৈ গ’ল মাতৃৰ বুকু আৰু কপালৰ সেন্দুৰ।
পিতৃ মথুৰা নাথ ডেকা আছিল আৰক্ষীয়ে বিশেষ শাখাৰ অৱসৰপ্ৰাপ্ত বিষয়া। আনহাতে কন্যা নন্দিতা ডেকা আছিল গুৱাহাটী বিশ্ববিদ্যালয় ইংৰাজী বিষয়ৰ স্নাতকোত্তৰ প্ৰথম ষান্মাসিকৰ ছাত্ৰী। বহু আশা লৈ মঙলদৈৰ পৰা গুৱাহাটী বিশ্ববিদ্যালয়লৈ উচ্চ শিক্ষাৰ বাবে আহিছিল নন্দিতা ডেকা।
দীপাৱলীলৈ বন্ধৰ বাবে গুৱাহাটীৰ পৰা কন্যাক নিবলৈ আহিছিল পিতৃ। পিতৃৰ সৈতে ঘৰলৈ বুলি বাট বুলিছিল পিতৃ-কন্যাই। কিন্তু বাটতে ৰৈ আছিল মৃত্যু।
পৰিয়ালৰ সৈতে দীপাৱলী উদযাপন কৰাৰ বহু আশা আছিল নন্দিতাৰ, পিতৃৰো মৰমৰ জীৰ সৈতে আছিল দীপাৱলী উদযাপনৰ আশা, যাৰ বাবে স্কুটীৰে নিবলৈ আহিছিল কন্যাক।
কিন্তু নিয়তিৰ নিষ্ঠুৰ পৰিহাস। ঘৰৰ পাবলৈ মাত্ৰ ১৫ কিলোমিটাৰ বাকী থকাৰ পূৰ্বে মঙলদৈৰ ১৫ নং ৰাষ্ট্ৰীয় ঘাইপথত পথ দুৰ্ঘটনাত পতিত হৈ কৰুণ মৃত্যুক আঁকোৱালি ল’লে পিতৃ-কন্যাই।
মথুৰা নাথ ডেকা আৰু জীয়ৰী নন্দিতা নাথৰ শোকাবহ মৃত্যুৰ পিছত এতিয়া বাসব নগৰ বাসীৰ সিদ্ধান্ত তেওঁলোকে এইবাৰ পালন নকৰে দ্বীপৱলী। লগতে কাতি মহীয়া মন্দিৰৰ চাকি জ্বলোৱাৰ পৰাও বিৰত থাকিব বাসব নগৰ শোকস্তব্ধ অঞ্চলবাসী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
