ভৰা সমাবেশ৷ গিজগিজাই আছে দলৰ কৰ্মী, সমৰ্থক আৰু সাধাৰণ মানুহ৷ বাহনৰ পৰা নামিয়েই মঞ্চত উঠাৰ কথা মুখ্যমন্ত্ৰীৰ৷ কিন্তু বাহনৰ পৰা নামি মঞ্চলৈ উঠিবলৈ যোৱাৰ পথতেই মুখ্যমন্ত্ৰীৰ সৈতে ছবি তুলিবলৈ ভীৰ জনতাক৷ ভীৰ ঠেলি মন্ত্ৰী আগুৱাই থাকোতেই ঘটিল ঘটনা৷ যি ঘটনাই অস্বস্তিত পেলালে খোদ মুখ্যমন্ত্ৰী চন্দ্ৰবাবু নাইডুকো৷ কিন্তু ঘটনাটো কি?
সম্প্ৰতি সামাজিক মাধ্যমত ভাইৰেল হৈ পৰিছে অন্ধ্ৰপ্ৰদেশৰ মুখ্যমন্ত্ৰী এন চন্দ্ৰবাবু নাইডুৰ এটা ভিডিঅ’৷ এখন সমাবেশত ভাগ ল’বলৈ গৈছিল মুখ্যমন্ত্ৰী নাইডু৷ লোকে লোকাৰণ্য এই সমাবেশতেই মুখ্যমন্ত্ৰীৰ নিৰাপত্তাৰক্ষীৰ বাধা ওফৰাই এগৰাকী মহিলাই চুমা খাই চন্দ্ৰবাবুক৷ সকলোৰে অলক্ষিতে মহিলাগৰাকীয়ে সাবটি ধৰে নাইডুক৷ চুমাৰে উপচাই দিয়ে নাইডুক৷ লগতে হাতত তুলি দিয়ে এমুঠি ৰঙা গোলাপ৷ স্নেহেৰে মুখ্যমন্ত্ৰী নাইডুৱেও সাবটি ধৰে মহিলাগৰাকীক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
