শিক্ষাগ্ৰহণ কৰিবলৈ যোৱা শিক্ষাৰ মন্দিৰৰ শৌচালয়ত ছাত্ৰীক ৩ শিক্ষকৰ…
শিক্ষা বৃত্তিত কালিমা সানিলে ৩ গৰাকী শিক্ষকে। যি শিক্ষাৰ মন্দিৰত জ্ঞানৰ পোহৰ বিলোৱা হয়, সেই মন্দিৰতেই শিক্ষাগুৰুৰ কামনাৰ বলি এগৰাকী ছাত্ৰী।
এগৰাকী ১৩ বছৰীয়া কনমানি ছাত্ৰীক বিদ্যালয়ৰে ৩গৰাকীকৈ শিক্ষকৰ দলবদ্ধ ধৰ্ষণ। প্ৰথমে এগৰাকী শিক্ষকে ধৰ্ষণ কৰে ছাত্ৰীগৰাকীক। পাছত এই বিষয়ে জানিব পাৰি অন্য দুগৰাকী শিক্ষকেও যোগ দিয়ে আনগৰাকীৰ সৈতে।
বিদ্যালয়ৰ শৌচাগাৰতে কামনাৰ বলি হয় ছাত্ৰীগৰাকী। এমাহ পূৰ্বেই সংঘটিত হৈছিল এই ঘটনা । পাছে ৪ ফেব্ৰুৱাৰী মঙলবাৰেহে পোহৰলৈ আহে এই ঘটনা।
যেতিয়া বহুদিন ধৰি ছাত্ৰীগৰাকী বিদ্যালয়ত উপস্থিত হোৱা নাছিল, সেয়ে বিদ্যালয় খনৰ প্ৰধানশিক্ষয়ত্ৰী খবৰ লোৱাৰ উদ্দেশ্যেৰে উপস্থিত হৈছিল ছাত্ৰীগৰাকীৰ ঘৰত।
তেতিয়াহে পোহৰলৈ আহে সমস্ত ঘটনা। ছাত্ৰীগৰাকীৰ পিতৃ-মাতৃয়ে প্ৰধান শিক্ষয়ত্ৰীৰ আগত বিদ্যালয়ৰ ৩ লম্পট শিক্ষকৰ কথা সদৰি কৰে। প্ৰধান শিক্ষয়ত্ৰীগৰাকীয়েও পলম নকৰি সেই নিশাই গোচৰ তৰে জিলা শিশু কন্যাণ বিভাগত। বিভাগে খবৰ কৰে আৰক্ষীক।
আৰক্ষীয়ে লগে লগে তদন্ত আৰম্ভ কৰি ৫ ফেব্ৰুৱাৰী তাৰিখে তিনিও অভিযুক্ত শিক্ষকক আটক কৰে। POCSO আইনৰ আধাৰত তিনিও লম্পট শিক্ষকৰ বিৰুদ্ধে গোচৰ ৰুজু কৰে আৰক্ষীয়ে। লগতে তিনিওকে শিক্ষাবৃত্তিৰ পৰাও নিলম্বন কৰে।
এই নিৰ্লজ্জ ঘটনা সংঘটিত হৈছে কৰ্নাটকৰ কৃষ্ণগিৰি জিলাৰ এখন চৰকাৰী বিদ্যালয়ত। বৰ্তমানে ছাত্ৰীগৰাকীৰো স্বাস্থ্য পৰীক্ষা কৰোৱা হৈছে। স্বাস্থ্য কিছু সুস্থিৰ হলেও মানসিক ভাৱে একেবাৰে অসুস্থ হৈ পৰিছে ছাত্ৰীগৰাকী। যাৰ বাবে মনোৰোগ বিশেষজ্ঞ আৰু মনোবিজ্ঞানীৰ সহায় লোৱা হৈছে ছাত্ৰীগৰাকীৰ সুস্থতাৰ বাবে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
