পৰ্যাপ্ত টোপনিৰ পাছতো আপুনি সকলোসময়তে ক্লান্তবোধ কৰে? এয়া কেৱল এলাহ নহয়। ইয়াৰ অৰ্থ হৈছে আপুনি ভিটামিন B12ৰ অভাৱত ভূগিছে। আপুনি যদি ডিপ্ৰেছনৰ দৰে মানসিক সমস্যাত ভূগি আছে তেন্তে ইয়াৰ বাবে দায়ী এই ভিটামিন।
এই ভিটামিনৰ বেছিভাগ উৎসই হৈছে আমিষ খাদ্য। পশু ভিত্তিক খাদ্য় যেনে মাংস, কণী আৰু দুগ্ধজাত খাদ্যত ভিটামিন B12 থাকে। ২০২৪ ত প্ৰকাশিত এক সমীক্ষাত দেখা গৈছে যে ৫০শতাংশ নিৰামিষভোজী মানুহৰেই কম থাকে ভিটামিন B12, ভিটামিন B12য়ে কেৱল পুৰুষৰবাবে শক্তি বৃদ্ধিতেই সহায় নকৰে ই তেওঁলোকৰ শাৰীৰিক, মানসিক আৰু হৰমনৰ স্বাস্থ্য বজায় ৰখাতো গুৰুত্বপূৰ্ণ ভূমিকা পালন কৰে।শৰীৰত এই ভিটামিনৰ ঘাটি একেবাৰেই উপেক্ষা নকৰিব। ভিটামিন B12ৰ অভাৱ হলে কেইবাটাও লক্ষণ ফুঁটি উঠে। এই লক্ষণসমূহ দেখিলেই সতৰ্ক হওক।
হাত আৰু ভৰিৰ কঁপনি, মনোযোগ অক্ষমতা বা স্মৃতিশক্তিৰ সমস্যা, জণ্ডিছ বা জিভাত গুটি উঠা আদি। যদি আপোনাৰ শৰীৰত ভিটামিন B12ৰ ঘাটি থাকে তেন্তে অনতিপলমে খাদ্যতালিকাত ভিটামিন B12 থকা খাদ্য় ৰাখক। এই খাদ্যৰ ভিতৰত আছে, মুৰগিৰ মাংস, কণী, দুগ্ধজাত পণ্য যেনে গাখীৰ, পনীৰ দৈ আদি। যদি শৰীৰ পৰীক্ষাৰ সময়ত আপোনাৰ শৰীৰত ভিটামিন B12ৰ ঘাটি দেখা যায় তেন্তে আপুনি ছাপ্লিমেণ্টৰ মাধ্যমেৰে এই অভাৱ পূৰণ কৰিব পাৰে। এই সমস্যা গুৰুতৰ হলে ভিটামিন B12ৰ ইনজেকশ্ব্যনো লব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
