হাৰ্ডিকে ভংগ কৰিলে বিৰাটৰ ৰেকৰ্ড, যি ৰেকৰ্ড কোনেও ভংগ কৰিব নোৱাৰিব বুলি ওলাইছিল
বিৰাট কোহলীৰ এক এনে ৰেকৰ্ড যি ৰেকৰ্ড কোনেও ভংগ কৰিব নোৱাৰিব বুলি ওলাইছিল। ভাৰতৰ ভিৰতৰ প্ৰথম এনে এক ৰেকৰ্ড, যি ৰেকৰ্ড গঢ়িছিল ভাৰতীয় ক্ৰিকেটাৰ বিৰাট কোহলীয়ে। সেই অবিশ্বাস্য ৰেকৰ্ড ভংগ কৰিলে ভাৰতীয় ক্ৰিকেটৰে আন এগৰাকী খেলুৱৈ হাৰ্ডিক পাণ্ডিয়াই।
ভাৰতীয় দলৰ তাৰকা অলৰাউণ্ডাৰ হাৰ্ডিক পাণ্ডিয়াই ইণ্ডিয়ান দলে চেম্পিয়নছ ট্ৰফীৰ খিতাপ দখল কৰাৰ পাছতে এই ৰেকৰ্ড গঢ়ে। অৱশ্য এই ৰেকৰ্ড খেলপথাৰত নহয়, সামাজিক মাধ্যমতহে। য’ত এতিয়া হাৰ্ডিকৰ এটা পোষ্টে নতুন অভিলেখ গঢ়ি তুলিছে।
চেম্পিয়নছ ট্ৰফী জয়ৰ পাছত ট্ৰফীৰ সৈতে নিজৰ এখন ফটো ইনষ্টাগ্ৰামত শ্বেয়াৰ কৰিছিল হাৰ্ডিকে। হাৰ্ডিকৰ সেই পোষ্টটোত অনুৰাগীৰ পৰা অবিশ্বাস্য ভাৱে সঁহাৰি পোৱা গৈছে। সেই পোষ্টত মাথো ছয় মিনিটতে ই এক মিলিয়ন তথা ১০ লাখ লাইক পাইছে হাৰ্ডিকে।
ভাৰতত লাইকৰ ক্ষেত্ৰত ই এক নতুন অভিলেখ। বিশেষ কথাটো হ’ল এই বিষয়ত বিৰাট কোহলীৰ ৰেকৰ্ড ভংগ কৰি নিজৰ নামত সেই ৰেকৰ্ড লিপিবদ্ধ কৰে হাৰ্ডিকে।
বিৰাটে বিগত বৰ্ষত টি-২০ বিশ্বকাপত দলটোৱে জয়লাভ কৰাৰ পিছত ত্ৰিৰংগাৰ সৈতে ইনষ্টাগ্ৰামত এটা পোষ্ট শ্বেয়াৰ কৰিছিল। বিৰাটৰ সেই পোষ্টটোৱে মাথো সাত মিনিটত ১ মিলিয়ন লাইক পাইছিল। সেই পোষ্ট শ্বেয়াৰ কৰাৰ সময়ত লিখা হৈছিল কোনেও ভংগ কৰিব নোৱাৰা এক অভিলেখ বুলি। পাছে সেই অভিলেখ এতিয়া ৭ মিনিটৰ ঠাইত ৬ মিনিটত গঢ়িলে হাৰ্ডিকে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
