ষ্টক মাৰ্কেটৰ অস্থিৰতা আৰু মিউচুৱেল ফাণ্ডৰ বিপদৰ মাজতে ভাৰতীয়ৰ এক বৃহৎ অংশই এতিয়া বিনিয়োগৰ বাবে বেংকৰ ফিক্সড ডিপ’জিটৰ ওপৰত নিৰ্ভৰশীল হৈছে। ইয়াৰ মূল কাৰণ হৈছে বিনিয়োগৰ সুৰক্ষা আৰু নিশ্চিত লাভ। দেশৰ অন্যতম আগশাৰীৰ চৰকাৰী বেংক পঞ্জাব নেশ্যনেল বেংকে গ্ৰাহকৰ বাবে কঢ়িয়াই আনিছে এক উৎকৃষ্ট সঞ্চয়ৰ সুযোগ।
পঞ্জাৱ নেচনেল বেংকে বিভিন্ন কাৰ্যকালৰ বাবে গ্ৰাহকক বছৰি ৩.০০%ৰ পৰা ৭.৪০%লৈকে সুতৰ হাৰ আগবঢ়াইছে। এই বেংকত নূন্যতম ৭ দিনৰ পৰা সৰ্বাধিক ১০ বছৰলৈকে ধন জমা কৰিব পাৰিব। শেহতীয়াকৈ এই বেংকে সুদৰ হাৰ সংশোধন কৰিছে, যাৰ ফলত বিনিয়োগকাৰীয়ে এতিয়া পূৰ্বতকৈ উন্নত ৰিটাৰ্ণ লাভ কৰিব৷
৩ বছৰৰ এফ ডিত আপুনি কিমান সুদ পাব?
৩৬ মাহৰ বাবে অৰ্থাৎ ৩ বছৰৰ বাবে পঞ্জাব নেচনেল বেংকত ১,০০,০০০ (পিএনবি) টকা জমা ৰাখে তেতিয়া আপুনি পোৱা ৰিটাৰ্ণ কিমান হ’ব? সাধাৰণ গ্ৰাহকৰ বাবে ৩ বছৰৰ এফ ডিৰ ওপৰত অতি ভাল সুদৰ হাৰ আগবঢ়োৱা হৈছে। যদি আপুনি ১ লাখ টকা জমা দিয়ে তেন্তে মেচিউৰিটিৰ সময়ত সুদ হিচাপে ২০,৬২৬ টকা পাব। অৰ্থাৎ ৩ বছৰৰ পাছত মুঠ ১,২০,৬২৬ টকা আপোনাক ঘূৰাই দিয়া হ’ব।
জ্যেষ্ঠ আৰু ছুপাৰ চিনিয়ৰ নাগৰিকৰ বাবে ৰিটাৰ্ণ
বেংকে সাধাৰণতে জ্যেষ্ঠ নাগৰিকসকলক অধিক সুদৰ হাৰ প্ৰদান কৰে। জ্যেষ্ঠ নাগৰিকৰ বাবে পিএনবিত ১ লাখ টকাৰ বিনিয়োগত প্ৰায় ২২,৪২০ টকাৰ সুদ লাভ কৰিব। ফলত মেচিউৰিটিৰ সময়ত তেওঁলোকৰ মুঠ ধন হ’ব ১,২২,৪২০ টকা।
আনহাতে ৮০ বছৰৰ ওপৰৰ বিনিয়োগকাৰীয়ে (ছুপাৰ চিনিয়ৰ) সৰ্বাধিক সুবিধা লাভ কৰে। ১ লাখ টকাৰ ওপৰত প্ৰায় ২৩,৫০৮ টকা নিৰ্দিষ্ট সুদ দিয়া হ’ব। ফলত তেওঁলোকে মেচিউৰিটিৰ সময়ত মুঠ ১,২৩,৫০৮ টকা লাভ কৰিব।
পিএনবিৰ বিশেষ ৪৪৪ দিনীয়া এফডি আঁচনি
পঞ্জাব নেচনেল বেংকে বৰ্তমান ৪৪৪ দিনীয়া বিশেষ ফিক্সড ডিপ’জিট (এফডি) আঁচনিৰ সৰ্বোচ্চ সুদৰ হাৰ আগবঢ়াইছে। এই আঁচনিখনত গ্ৰাহকে বছৰি ৬.৬০%ৰ পৰা ৭.৪০%লৈকে সুদ লাভ কৰি আছে। যদি আপুনি কম সময়ৰ ভিতৰতে অধিক উপাৰ্জন কৰিব বিচাৰে তেন্তে এই আঁচনিখন আপোনাৰ বাবে অতি উত্তম বিকল্প হ’ব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
