ডাইন’ছৰতকৈ পুৰণি, জীয়াই থকাৰ অদ্ভুত ক্ষমতা, পঁইতাচোৰা সম্পৰ্কে জানি থওক ১০টা নজনা তথ্য

ডাইনছৰতকৈ পুৰণি

পঁইতাচোৰা প্ৰায় ৩০ৰ পৰা ৩৫ কোটি বছৰ ধৰি পৃথিৱীত বাঁচি আছে৷ অৰ্থাৎ ডাইনছৰ অহাৰ বহু আগতো পৃথিৱীত পঁইতাচোৰাৰ অস্থিত্ব আছিল৷ দীৰ্ঘ সময় ধৰি টিকি এনে পতংগ পৃথিৱীত বিৰল৷

মূৰ নথকাকৈ কেইদিন জীয়াই থাকিব পাৰে?

পঁইতাচোৰাৰ শৰীৰৰ গঠন ইমানেই পৃথক যে মূৰ কাটি হ’লেও ই প্ৰায় এসপ্তাহ পৰ্যন্ত বাঁচি থাকিব পাৰে৷ কাৰণ শৰীৰত সৰু সৰু ছিদ্ৰ থাকে যাৰ মাধ্যমেৰে শ্বাস প্ৰশ্বাস লয় সেয়ে মূৰ নোহোৱাকৈ কিছুদিন জীয়াই থাকিব পাৰে৷

এমাহ পৰ্যন্ত খাদ্য নোখোৱাকৈ থাকিব পাৰে

এমাহ খাদ্য নোখোৱাকৈ থাকিব পাৰে পঁইতাচোৰাই৷ অন্য জীৱই পানী অবিহনে এসপ্তাহ জীয়াই থাকিব নোৱাৰে তেনেক্ষেত্ৰত পঁইতাচোৰাই একো নোখোৱাকৈ ৩০দিন জীয়াই থাকিব পাৰে৷

তেজস্ক্ৰিয়তা সহ্য কৰাৰ ক্ষমতা বেছি

বিজ্ঞানীসকলৰ মতে পঁইতাচোৰাই মানুহৰ তুলনাত বহু বেছি ৰেডিয়েছন বা তেজস্ক্ৰিয়তা সহ্য কৰিব পাৰে৷ সেয়ে বহু সময়ত কোৱা হয় যে পৃথিৱীত ডাঙৰ কোনো পাৰমাণৱিক বিপৰ্যয় হলেও পঁইতাচোৰা টিকি থাকিব পাৰে৷

পৃথিৱীত ৪৫০০ৰো বেছি প্ৰজাতি আছে

বহুতৰে ধাৰণা থাকে যে সকলো পঁইতাচোৰা অপৰিষ্কাৰ স্থানতে থাকে৷ কিন্তু এই ধাৰণা সঠিক নহয়৷ পৃথিৱীত প্ৰায় ৪৫০০ তকৈ বেছি প্ৰজাতিৰ পঁইতাচোৰা আছে৷ যাৰ ভিতৰত খুবেই কম সংখ্যকহে মানুহৰ ঘৰত থাকে৷

পঁইতাচোৰাই গাখীৰো দিয়ে নেকি?

পঁইতাচোৰাই কণী পাৰে৷ কেৱল সেয়াই নহয়, পঁইতাচোৰাৰ এক বিশেষ প্ৰজাতি পেছিফিক বিটল ককৰচে গাখীৰৰ দৰে এবিধ বগা ৰঙৰ পদাৰ্থ তৈয়াৰ কৰি শিশুসকলক খোৱাই৷

অন্যতম বুদ্ধিমান পতংগ

পঁইতাচোৰাই বিপদ বুজিব পাৰে আৰু দ্ৰুত লুকাবও জানে৷ গৱেষণাত দেখা গৈছে পঁইতাচোৰাই নতুন পৰিবেশৰ সৈতে দ্ৰুত নিজকে এডজাষ্ট কৰিব পাৰে আৰু আশেপাশে চিকাৰীৰ উপস্থিতি ভালকৈ বুজিব পাৰে৷

শ্বাস ৰখাই থ’ব পাৰে

পঁইতাচোৰা প্ৰায় ৪০ মিনিট পৰ্যন্ত শ্বাস বন্ধ কৰি ৰাখিব পাৰে৷ আনকি পানীৰ তলতো কিছু সময় বাঁচি থাকিব পাৰে৷ বৰফৰ মাজতো জীয়াই থাকিব পাৰে পঁইতাচোৰা৷

দ্ৰুত দৌৰিব পাৰে

পঁইতাচোৰাই প্ৰতি ছেকেণ্ডত নিজৰ শৰীৰৰ দৈৰ্ঘ্যৰ প্ৰায় ৫০ গুণ দূৰত্ব অতিক্ৰম কৰিব পাৰে৷ এই দূৰত্ব যদি জোখা হয় তেন্তে  ঘণ্টাত প্ৰায় ৩০০ কিঃমিঃ গতিত দৌৰিব পাৰে৷

পোহৰ পছন্দ নকৰে

পঁইতাচোৰাই সাধাৰণতে অন্ধকাৰত থাকিবলৈ বেছিকৈ পছন্দ কৰে৷ সেয়ে নিশা ৰন্ধনশাল বা বাথৰুমত পঁইতাচোৰা বেছিকৈ দেখা যায়৷ লাইট জ্বলালেই দ্ৰুতভাৱে পলায়৷ মানুহে যদিও এই পতংগক মুঠেও পছন্দ নকৰে কিন্ত ইয়াৰ জীয়াই থকাৰ ক্ষমতা, সহাৱস্তান কৰিব পৰা শক্তিয়ে বিজ্ঞানক অবাক কৰি আহিছে৷