গৰমত দৈ আপোনাৰো প্ৰিয় খাদ্য? দৈ খাই ভালপালেও কিন্তু সাৱধান হোৱাটোও জৰুৰী৷ বহু কেইটা ৰোগে আক্ৰমণ কৰিব পাৰে শৰীৰত৷ দৈৰ আছে বহুকেইটা উপকাৰীতা৷ যেনে দৈয়ে হজম শক্তি, ৰোগ প্ৰতিৰোধ ক্ষমতা, আন্ত্ৰিক স্বাস্থ্য ভালে ৰাখে। দৈত প্ৰচুৰ পৰিমাণে পুষ্টিকৰ উপাদানো থাকে। ইয়াত বহু ভাল বেক্টেৰিয়া থাকে যি পেটৰ বাবে অতি উপকাৰী। পেশী আৰু হাড় শক্তিশালী কৰাতো দৈ সহায়ক । সেয়েহে বিশেষজ্ঞসকলে পৰামৰ্শ দিয়ে খাদ্যত দৈ অন্তৰ্ভুক্ত কৰিব লাগে। দৈয়ে হজম শক্তি উন্নত কৰাই নহয় কোষ্ঠকাঠিন্যৰ সমস্যাও হ্ৰাস কৰে৷ বিশেষজ্ঞসকলে কয় যে সীমিত পৰিমাণত দৈ খালে ডায়েৰিয়া ৰোধ কৰাত সহায়ক হয়। দৈত থকা ভিটামিন ডি, প্ৰটিন আৰু কেলচিয়ামৰ দৰে পুষ্টিকৰ পদাৰ্থই ৰোগ প্ৰতিৰোধ ক্ষমতা বৃদ্ধি কৰাত সহায় কৰে।কিন্তু দৈৰ ভাল গুণ থাকিলেও কিছুলোকে দৈ খোৱাত সাৱধানতা অৱলম্বন কৰাটো জৰুৰী৷ বৰষুণৰ দিনত অত্যধিক দৈ সেৱনে আপোনাৰ স্বাস্থ্যৰ মাৰাত্মক ক্ষতি কৰিব পাৰে৷
কেতিয়া দৈ নাখাব?
নিশা কাহানিও বেছি পৰিমাণত দৈ খাব নালাগে৷ দৈ হজম হ’বলৈ অধিক সময় লাগে। সেয়ে নিশা দৈ খোৱাৰ সলনি মাখন আৰু ৰাইতাহে খোৱাটো উত্তম। গৰম দিনত শৰীৰত সংক্ৰমণৰ আশংকা হ্ৰাস কৰিবলৈ সঠিকভাৱে ফ্ৰীজত ৰখা সতেজ দৈহে খাব লাগে৷ একেদৰে দৈ খোৱাৰ পাছত যদি কোনোধৰণৰ এলাৰ্জি বা অস্বস্তি হয় তেন্তে দৈ খোৱা বন্ধ কৰি চিকিৎসকৰ পৰামৰ্শ ল’ব৷ গাঁঠিৰ বিষ, জ্বৰ আৰু ঋতুকালীন ৰোগত আক্ৰান্ত হ’লে ভুলতো দৈ নাখাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
