বলীউডত বয়কট ৰণবীৰ সিং! কিয় ৰণবীৰক বয়কট কৰাৰ সিদ্ধান্ত লৈছে FWICEয়ে? কি এই FWICE?

ইয়াৰ পাছতেই FWICEৰ দ্বাৰস্থ হয় ফাৰহান৷ অভিযোগ জমা কৰে ndian Film and Television Directors’ Association বা IFTDA-ৰ মাধ্যমেৰে৷ নিজেও ইয়াৰ সৈতে জড়িত ফাৰহান৷ সংগঠনৰ পক্ষৰ পৰা ৰণবীৰক একাধিক নটিছ পঠিওৱা হৈছিল বুলিও জনা যায়৷ কিন্তু অভিনেতাৰ তৰফৰ পৰা জনোৱা হয় যে এই বিতৰ্ক মূলত চুক্তিগত আৰু সেয়া চেটেল কৰাৰ বাবে FWICE  সঠিক মঞ্চ নহয়৷

অৱশেষত সোমবাৰে বৈঠকৰ পাছত FWICEয়ে আনুষ্ঠানিকভাৱে ৰণবীৰৰ বিৰুদ্ধে নন-কো-অপাৰেছন ডিৰেক্টিভ জাৰি কৰে৷ সংগঠনৰ প্ৰেচিডেণ্ট বি এন তিৱাৰিয়ে স্পষ্টকৈ জনাইছে যে FWICE-ৰ কোনো সদস্যই ৰণবীৰৰ সৈতে কাম যাতে নকৰে৷ ইয়াৰ লগতে অৱশ্যে সংগঠনটোৱে আন এক কথাও জনাইছে যে আলোচনাৰ মাধ্যমেৰে সমাধানৰ ৰাস্তা এতিয়াও খোলা আছে৷

এই নিৰ্দেশিকাৰ অৰ্থ কি?

আইনমতে ই কোনো চৰকাৰী নিষেধাজ্ঞা নহয়৷ কিন্তু FWICE-ৰ অধীনত লক্ষাধিক কৰ্মী, টেকনিছিয়ান, শিল্পী আৰু দৈনিক মজুৰিৰ কৰ্মীয়ে কাম কৰে৷ ফলত তেওঁলোকে সহযোগিতা নাপালে কোনো ডাঙৰ প্ৰজেক্ট বাস্তবায়ন কৰা কঠিন হৈ পৰিব পাৰে৷ আনকি প্ৰয়োজনত চেঞ্চৰ বৰ্ড বা প্ৰশাসনিক সংস্থাৰ কাষতো সংগঠনে আবেদন কৰিব পাৰে বুলি বিভিন্ন ৰিপৰ্টত উল্লেখ আছে৷

ইফালে ৰণবীৰে ডন-৩ৰ বাবে লোৱা ছাইনিং এমাউণ্ট উভতাই দিয়াৰ সিদ্ধান্ত লোৱাৰ খবৰো আহি পৰিছে৷ অৱশ্যে এই বিষয়ে আনুষ্ঠানিকভাৱে কোনো কথা এতিয়াও জনোৱা নাই অভিনেতা ৰণবীৰে৷ অন্যহাতে ফাৰহানে সম্প্ৰতি এক সাক্ষাৎকাৰত কয়, সকলোবোৰ পৰিকল্পনামতে চলিব সেয়া ক’ব নোৱাৰি৷ কেতিয়াবা কেতিয়াবা অপ্ৰত্যাশিত বাধা আহেই৷ এই মন্তব্যক লৈ বহুতে বিতৰ্কৰ ইংগিত পাইছে৷