পৃথিৱীত এনে মানুহো আছে যিয়ে ইতিমধ্যেই চন্দ্ৰত নিজৰ মালিকানা দাবী কৰিছে আৰু পৃথিৱীৰ পৰাই চন্দ্ৰালোকত মাটি বিক্ৰি কৰি কোটি কোটি ডলায় আয়ো কৰিছে৷ চন্দ্ৰক নিজৰ সম্পত্তি বুলি দাবী কৰি চন্দ্ৰভূমি বিক্ৰিৰ সাহস কৰা সেই ব্যক্তিৰ নামেই ডেনিছ হোপ৷
বিগত ২ এপ্ৰিলত পুৱা ভাৰতীয় সময় অনুসৰি চন্দ্ৰৰ উদ্দেশ্যে যাত্ৰা কৰিছিল নাছাৰ মহাকাশযানে৷ তাত আছিল কমাণ্ডাৰ ৰিড ৱাইছমেন, পাইলট ভিক্টৰ গ্লোভাৰ, অভিযান বিশেষজ্ঞ ক্ৰিষ্টিনা কচ আৰু জেৰেমি হানছেন৷ চন্দ্ৰৰ চাৰিওপাশে ঘূৰি পৃথিৱীলৈ উভতি আহিছে আমেৰিকাৰ মহাকাশ গৱেষণা সংস্থা নাছাৰ চাৰি নভোশ্চৰ৷ ১০ দিন মহাকাশত কটোৱাৰ পাছত শনিবাৰে পুৱা তেওঁ পৃথিৱীত অৱতৰণ কৰে৷ দক্ষিণ কেলিফৰ্নিয়াৰ উপকূলত প্ৰশান্ত মহাসাগৰত অৱতৰণ কৰে নাছাৰ কেপছুলটিয়ে৷ ভিতৰৰ পৰা ধীৰে ধীৰে চাৰিজনক উদ্ধাৰ কৰি তীৰলৈ লৈ অনা হয়৷ নাছাৰ এই চন্দ্ৰাভিযানৰ নাম আছিল আৰ্টেমিছ৷
বৰ্তমান পৰ্যন্ত ৬০ লাখতকৈ বেছি ক্ৰেতাৰ চন্দ্ৰত ৬১.১ কোটি একৰ মাটি বিক্ৰি কৰিছে হোপে৷ আয় কৰিছে ১.২ কোটি ডলাৰ৷ তেওঁৰ দাবী, চন্দ্ৰৰ মাটিৰ চাহিদা ভালেই৷ আনকি বহুলোকে আছে যিয়ে মাটি কিনিবলৈ বাৰে বাৰে আহিছে তেওঁৰ সংস্থাৰ ওচৰলৈ৷ ক্ৰেতাৰ বেপাৰত কোনো বাচবিচাৰ নাই হোপৰ৷ তাৰকাৰ পৰা আৰম্ভ কৰি সাধাৰণ চাকৰিয়াল৷ সকলো আছে তেওঁৰ ক্ৰেতাৰ তালিকাত৷ তেওঁৰ দাবী প্ৰায় ৭০০ জন নামী তাৰকাই তেওঁৰ পৰা মাটি ক্ৰয় কৰিছে৷ আনকি তিনিজন প্ৰাক্তন মাৰ্কিন প্ৰেছিডেণ্টৰ ওচৰতো বিক্ৰী কৰিছে মাটি৷
হোপে পূৰ্বে জনাইছে যে চন্দ্ৰৰ সকলোতকৈ ডাঙৰ মাটিৰ অংশটিত ৫৩লাখ ৩২হাজাৰ ৭৪০ একৰ স্থান আছে৷ এই মাটিৰ ক্ৰেতা এতিয়াও পোৱা নাই হোপে৷ বেছি চাহিদা ১৮০০-২০০০ একৰৰ মাটিসমূহ৷ বেছ কিছু হোটেলেও মাটি কিনিছে তেওঁৰ পৰা৷ হোপৰ সংস্থাৰ নাম লুনাৰ এমবেচি৷ চন্দ্ৰত হোপৰ স্থানসমূহ চোৱাচিতা কৰে এই সংস্থাই৷ হোপ নিজেই এই সংস্থাৰ চিইঅ৷ যদিও এই চিইঅৰ অৰ্থ চিফ এক্সিকিউটিভ অফিচাৰ নহয় চেলেশ্চিয়েল এক্সিকিউটিভ অফিচাৰ৷ অৱশ্যে নিজকে চন্দ্ৰৰ মালিক বুলি ক’বলৈ বেছিকৈ পছন্দ কৰে হোপে৷
চন্দ্ৰত মাটিৰ ব্যৱসায় কৰাৰ বুদ্ধি হোপে পাইছিল ৰাষ্ট্ৰবিজ্ঞানৰ পৰা৷ এই ব্যৱসায়ত ৰাষ্ট্ৰপুঞ্জই অনা এক প্ৰস্তাৱেই সহায় কৰিছিল হোপক৷ সেই প্ৰস্তাৱৰ মূল বিষয় আছিল সৌৰজগতৰ মাজত থকা মহাজাগতিক বস্তু৷ ৰাষ্ট্ৰপুঞ্জই কৈছিল, বিশ্বৰ কোনো দেশ বা কোনো দেশৰ চৰকাৰে সৌৰজগতৰ কোনো মহাজাগতিক বস্তুৰ ওপৰত নিজৰ অধিকাৰ, মালিকানা বা আইনী স্বত্ব দাবী কৰিব নোৱাৰে৷
১৯৬৭ চনত অনা সেই প্ৰস্তাবত পৃথিৱীৰ প্ৰায় সকলো দেশে সন্মতি দিছিল৷ সেই প্ৰস্তাবত কিছু অসম্পূৰ্ণতাও আছিল৷ মহাজাগতিক বস্তুৰ ওপৰত চৰকাৰ বা দেশৰ অধিকাৰক লৈ কথা ক’লেও এনে কিছু কথা কোৱা হোৱা নাছিল যে কোনো ব্যক্তিয়ে এই দাবী কৰিব নোৱাৰিব৷ ১৮৬২ চনৰ মাৰ্কিন হোমষ্টেড এক্টৰ পৰা অনুপ্ৰেৰণা লৈ আৰু ৰাষ্ট্ৰপুঞ্জৰ প্ৰস্তাবৰ অসম্পূৰ্ণতাক কামত লগাই চন্দ্ৰত মালিকানা দাবী কৰে হোপে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
