ছাত্ৰৰ সৈতে বলপূৰ্বক শা*ৰীৰিক সম্পৰ্ক কৰি বিপদত পৰিছে এগৰাকী শিক্ষয়িত্ৰী। ঘটনাই এতিয়া পাইছেগৈ আদালতৰ মজিয়া। আমেৰিকাৰ জৰ্জিয়াৰ এখন বিদ্যালয়ত সংঘটিত হোৱা এক চাঞ্চল্যকৰ ঘটনাই তীব্ৰ আলোড়নৰ সৃষ্টি কৰিছে। ৰাজ্যখনৰ ‘এলেকজেণ্ডাৰ হাইস্কুল’ৰ জীৱবিজ্ঞানৰ এগৰাকী শিক্ষয়িত্ৰীৰ বিৰুদ্ধে এজন নাবালক ছাত্ৰৰ সৈতে শা*ৰীৰিক সম্পৰ্ক স্থাপনৰ গুৰুতৰ অভিযোগ উত্থাপিত হৈছে।
কেনেকৈ পোহৰলৈ আহিল ঘটনাটো?
অভিযুক্ত শিক্ষয়িত্ৰীগৰাকী জীৱবিজ্ঞান বিষয় পঢ়ুওৱাৰ উপৰিও বিদ্যালয়খনৰ ফুটবল দলৰ অপাৰেশ্যনছ মেনেজাৰ হিচাপেও কৰ্মৰত আছিল। আৰক্ষীয়ে দাখিল কৰা শপতনামা অনুসৰি, শিক্ষয়িত্ৰীগৰাকীয়ে বিদ্যালয়ৰ ক্লাছৰুমৰ সংলগ্ন সৰু কোঠা তথা ক্ল’জেটত এজন ছাত্ৰৰ সৈতে শা*ৰীৰিক সম্পৰ্ক স্থাপন কৰিছিল। কেৱল এয়াই নহয় শিক্ষয়িত্ৰীগৰাকীৰ বিৰুদ্ধে আন এজন ছাত্ৰৰ সৈতেও আপত্তিজনক আচৰণ কৰাৰ অভিযোগ উত্থাপন হৈছে। ইতিমধ্যে শিক্ষয়িত্ৰীগৰাকীক গ্ৰেপ্তাৰ কৰি তদন্ত অব্যাহত ৰাখিছে আৰক্ষীয়ে।
আপত্তিজনক ভিডিঅ’ ভাইৰেল কৰি ব্লেকমেইলিং
তদন্তকাৰী সংস্থাই জনোৱা মতে, শিক্ষয়িত্ৰীগৰাকীয়ে বহুকেইজন ছাত্ৰলৈ আপত্তিজনক বাৰ্তা আৰু ভিডিঅ’ প্ৰেৰণ কৰিছিল। সেই ভিডিঅ’সমূহৰ ভিতৰত এটা ভিডিঅ’ ছাত্ৰ-ছাত্ৰীৰ মাজত সামাজিক মাধ্যমৰ জৰিয়তে ব্যাপকভাৱে প্ৰচাৰিত হয়। ভিডিঅ’টো ভাইৰেল হোৱাৰ পিছত কিছুমান ছাত্ৰই পৰিস্থিতিৰ সুযোগ লৈ শিক্ষয়িত্ৰীগৰাকীক ব্লেকমেইল কৰিবলৈ আৰম্ভ কৰে। অভিযোগ অনুসৰি, ছাত্ৰকেইজনে শিক্ষয়িত্ৰীগৰাকীক ভাবুকি দিয়ে যে পৰীক্ষাত উন্নত গ্ৰেড বা অধিক নম্বৰ নিদিলে ব্যক্তিগত ভিডিঅ’সমূহ ভাইৰেল কৰি দিয়াৰ ভাবুকি দিয়ে। এই ঘটনাৰ তদন্ত অব্যাহত ৰাখি আৰক্ষীয়ে ইতিমধ্যে ২৭টা পৃথক তালাচী ৱাৰেণ্ট জাৰি কৰিছে। শিক্ষয়িত্ৰীগৰাকীৰ বিৰুদ্ধে প্ৰমাণ নষ্ট বা লুকুৱাবলৈ চেষ্টা কৰা, নাবালকৰ শোষণ আৰু বিদ্যালয়ৰ কৰ্মচাৰীয়ে ছাত্ৰৰ সৈতে অনুচিত শাৰী*ৰিক সম্পৰ্ক স্থাপন কৰাৰ দৰে একাধিক গুৰুতৰ ধাৰাত গোচৰ ৰুজু কৰা হৈছে। বৰ্তমান শিক্ষয়িত্ৰীগৰাকী জামিন লাভ কৰিছে যদিও আদালতে তেওঁৰ ওপৰত কিছু কঠোৰ চৰ্ত আৰোপ কৰিছে। আদালতৰ নিৰ্দেশ অনুসৰি, নিজৰ কন্যাক বাদ দি তেওঁ আন কোনো নাবালকৰ সৈতে সাক্ষাৎ বা যোগাযোগ কৰিব নোৱাৰিব। ইফালে, শিক্ষয়িত্ৰীগৰাকীৰ অধিবক্তাই আদালতৰ ওচৰত আবেদন জনাইছে যাতে তেওঁক নিজৰ ১৭ বছৰীয়া ভায়েকক সাক্ষাৎ কৰাৰ অনুমতি দিয়া হয়। অৱশ্যে এই আবেদন সন্দৰ্ভত চূড়ান্ত সিদ্ধান্ত এতিয়াও লোৱা হোৱা নাই। আৰক্ষীয়ে জনোৱা মতে, ঘটনাটোৰ অধিক তথ্য উদ্ধাৰৰ বাবে তদন্ত অব্যাহত আছে আৰু আগন্তুক দিনত আৰু নতুন তথ্য পোহৰলৈ আহিব পাৰে।
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
