বিশ্বকাপ ফুটবলৰ মঞ্চত পুনৰ এবাৰ উজ্জ্বলি উঠিছে ডিফেণ্ডিং চেম্পিয়ন আৰ্জেণ্টিনা। Round of 32ৰ শ্বাসৰুদ্ধকৰ মেচখনত কেপ ভাৰ্ডেক অতিৰিক্ত সময়ত ৩–২ গ’লত পৰাস্ত কৰি চলিত ফিফা বিশ্বকাপৰ পৰৱৰ্তী ৰাউণ্ডত স্থান নিশ্চিত কৰিলে মেছিয়ে। মেচখনত অনবদ্য প্ৰদৰ্শনৰ পিছতো মেছিয়ে বিশ্বৰ অজস্ৰ অনুৰাগীৰ মাজত এইবাৰ অন্য এটা কাৰণতহে শিৰোনাম দখল কৰিছে। ছ’চিয়েল মিডিয়াত মেছিৰ অনুৰাগীসকলৰ মাজত গুজব উঠা খবৰটোত মেছিৰ সৈতে সাঙুৰ খাইছে আৰ্জেণ্টিনাৰ সুন্দৰী সাংবাদিক ছোফী মাৰ্টিনেজৰ নাম। বিশ্বকাপ আৰম্ভ হোৱাৰো বহুদিন আগৰে পৰাই আৰ্জেণ্টিনাৰ ছোফী মাৰ্টিনেজ নামৰ সাংবাদিকগৰাকীৰ সৈতে মেছিৰ সম্পৰ্কৰ গুজৱ ওলাই আছিল। অৱশ্যে তাৰকা খেলুৱৈসকলৰ এনে ধৰণৰ বাতৰিৰ কোনো সত্যতা নিৰূপণ কৰিব নোৱাৰি, কিন্তু ইয়াৰ মাজতে কেপ ভাৰ্ডেৰ বিৰুদ্ধে মেছখনৰ শেষত কেমেৰাত বন্দী হ’ল মেছি আৰু সুন্দৰী সাংবাদিক ছোফি মাৰ্টিনেজৰ এক বিশেষ দৃশ্য।
কি আছিল বিশ্বজুৰি চৰ্চিত হোৱা সেই দৃশ্যত?
মেচখন শেষ হোৱাৰ পিছত মেছিৰ এক সাক্ষাৎকাৰৰ বাবে মেছিৰ ওচৰলৈ অহা মাৰ্টিনেজক দেখি মেছিয়ে নিজৰ স্বভাৱসুলভ সৰলতা আৰু ৰসিক ভংগীত কয়-‘মই যদি তোমাৰ ফালে চাও তেতিয়া মানুহে ক’ব মাৰ্টিনেজক কিয় চাইছিলা। মই যদি তোমাক সম্ভাষণ জনাও, তেতিয়াও মানুহে ক’ব- কিয় মাৰ্টিনেজক সম্ভাষণ জনালা?’ মেছিৰ এই ৰসিকতা ভৰা কথাখিনি শুনিও কৃতজ্ঞতাৰে গদগদ হৈ পৰে ছোফী মাৰ্টিনেজ। মেছিৰ এই ৰসিকতাৰ উত্তৰত মাৰ্টিনেজে কয়-‘আপুনি যি কথা কলে তাক মই আন্তিৰকতাৰে সন্মান কৰো, আপোনাৰ অসুবিধাখিনি বুজিছোঁ। আপোনাৰ মৰমৰ বাবে অশেষ ধন্যবাদ’। কেমৰাত বন্দী হোৱা এই মহূৰ্তটো সামজিক মাধ্যমত ভাইৰেল হোৱাৰ পিছতে পুনৰাই মেছিক লৈ আৰম্ভ হয় পুৰণি গুজৱ।
কেপ ভাৰ্ডেক ভূয়সী প্ৰশংসা মেছিৰ
মাৰ্টিনেজক উদ্দেশ্যি ৰসিকতা কৰাৰ পিছতে মেছিয়ে কেপ ভাৰ্ডেৰ বিৰুদ্ধে হোৱা খেলখনৰ বিষয়ে মতামত আগবঢ়ায়। খেলপথাৰত কেপ ভাৰ্ডেৰ যুঁজাৰু মানসিকতাকো ভূয়সী প্ৰশংসা কৰি কয় – ‘আমি আগতেই জানিছিলোঁ যে তেওঁলোকৰ বিৰুদ্ধে অতি কঠিন মেচ এখন হ’ব। স্পেইন বা উৰুগুৱেৰ দৰে শক্তিশালী দলৰ বিপক্ষেও যি দল পৰাস্ত হোৱা নাছিল, সেয়া কোনো কাকতলীয়া কথা নহয়। প্ৰথম গ’লটো দিয়াৰ পিছত ভাবিছিলোঁ খেলখন আমাৰ নিয়ন্ত্ৰণলৈ আহিব, কিন্তু তাৰ বিপৰীতহে হ’ল।’ তেওঁ আৰু কয়—’মেচখনত বহুবাৰ আমি বলৰ ওপৰত নিয়ন্ত্ৰণ হেৰুৱাইছিলো। কেপ ভাৰ্ডেৰ ওপৰত প্ৰয়োজনীয় চাপ সৃষ্টি কৰাতো আমি ব্যৰ্থ হৈছিলো। কেপ ভাৰ্ডেই নিজৰ শক্তি ব্যৱহাৰ কৰি আক্ৰমণ চলাই গ’ল। নকআউট ফুটবলত কোনো ভাল দলে সুযোগ সহজে নিদিয়ে।’
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
