উজনি অসমত বানে লৈছে ভয়ংকৰ ৰূপ। বিশেষকৈ শিৱসাগৰ, চৰাইদেউ, নাজিৰাৰ লগতে দাঁতিকাষৰীয়া অঞ্চলসমূহ বেছিকৈ ক্ষতিগ্ৰস্থ হৈছে।
এই সময়চোৱাত শিৱসাগৰ জিলাৰ নাজিৰা অঞ্চলত অৱস্থিত ঐতিহাসিক অগ্নিনাভ শিৱ মন্দিৰ জলমগ্ন হৈ পৰিছে। ধাৰাবাহিক বৰষুণ আৰু নদীৰ জলস্তৰ বৃদ্ধি পোৱাৰ ফলত মন্দিৰ চৌহদ সম্পূৰ্ণৰূপে বানৰ কবলত পৰিছে। ফলস্বৰূপে, মন্দিৰ অনিৰ্দিষ্টকাললৈ বন্ধ কৰি দিয়া হৈছে।
অগ্নিনাভ শিৱ মন্দিৰ কেৱল এটা ধৰ্মীয় উপাসনাস্থলী নহয়, ই অঞ্চলটোৰ ঐতিহ্য, সংস্কৃতি আৰু আস্থাৰ প্ৰতীক। প্ৰতিদিনে বহু ভক্তই এই মন্দিৰলৈ আহি পূজা-অৰ্চনা কৰে। কিন্তু বানৰ বাবে নিয়মীয়া পূজা-অৰ্চনা কৰাত অসুবিধাৰ সৃষ্টি হৈছে।
কিন্তু শেহতীয়া সময়ত বিভিন্ন কাৰণত এই মন্দিৰ বিতৰ্কৰ কেন্দ্ৰবিন্দু হৈ পৰিছে। ফলস্বৰূপে মন্দিৰটোক লৈ সামাজিক, ঐতিহাসিক আৰু প্ৰশাসনিক পৰ্যায়ত বিভিন্ন মতামত প্ৰকাশ পাইছে। পূৰ্বেও অনলাইন জৰিয়তে আশীৰ্বাদ প্ৰদান আৰু দান-বৰঙণি সংগ্ৰহ, পূজাৰ পদ্ধতি, তথা ছচিয়েল মিডিয়াৰ বৰ্ধিত চৰ্চাৰ বাবে বিতৰ্কত পৰিছিল এই মন্দিৰটো।
কিন্তু এইবাৰ মন্দিৰৰ গৰিমা নষ্ট কৰিবলৈ কোনো ভুৱা একাউণ্টৰ পৰা অগ্নিনাভ শিৱ মন্দিৰত অনলাই শৰাই লোৱা হৈছে বুলি অপপ্ৰচাৰ চলায় । ফলত সামাজিক মাধ্যমত ক্ষোভ উজাৰিছে একাংশই।
অৱশেষত এই সকলোবোৰ যে ভুৱা, সেয়া Agninav Shiv Mandir নামৰ ফেচবুক পেজটোৰ জৰিয়তে স্পষ্টীকৰণ দিয়ে মন্দিৰ কৰ্তৃপক্ষই। যিহেতু মূল মন্দিৰৰ বাহিৰে ভিতৰে চাৰিও দিশেই বানপানী সেয়ে, যি সকলে শৰাই আগবঢ়াই আছে আপোনালোকৰ শৰাই সমূহ বন্ধ খোলাৰ দিনা উসৰ্গা কৰা হ’ব বুলি জানিবলৈ দিয়ে। যিদিনা বন্ধ খোলা হ’ব তাৰে তিনিদিন পূৰ্বে ৰাইজক জনাই দিব বুলি পেজযোগে প্ৰকাশ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
