দেশৰ সবাটোকৈ বেছি TRP থকা ৰিয়েলিটি শ্ব’সমূহৰ অন্যতম ‘বিগ বছ’ৰ ২০তম সংস্কৰণটো অতি সোনকালে সৰু পৰ্দাত মুক্তি পাবলৈ সাজু হৈছে। ছলমান খানৰ এই ব্লকবাষ্টাৰ শ্ব’টোৰ প্ৰিমিয়াৰৰ তাৰিখ ওচৰ চাপি অহাৰ লগে লগে প্ৰতিযোগীৰ নামক লৈ গুজৱ আৰম্ভ হৈছে। সূত্ৰ অনুসৰি এইবাৰ মেকাৰে তেওঁলোকৰ শ্ব’ত বলীউডৰ অভিনেত্ৰী তথা টিভিৰ আটাইতকৈ ষ্টাইলিছ ‘নাগিন’খ্যাত মৌনী ৰয়ক অন্তৰ্ভুক্ত কৰিব বিচাৰিছে। ইয়াৰ উপৰিও একাংশ সংবাদ মাধ্যমে দাবী কৰিছে যে বলীউডৰ হিৰো নম্বৰ ৱান তথা সম্প্ৰতি বিতৰ্কৰ শীৰ্ষত থকা গোবিন্দ আৰু তেওঁৰ পত্নী সুনীতাইও এই অনুষ্ঠানত যোগদান কৰিব পাৰে। অৱশ্যে গোবিন্দ আৰু সুনীতাৰ অংশগ্ৰহণৰ সম্ভাৱনাক একাংশই পোনছাটেই নাকচ কৰিছে
মৌনী ৰায় সদায় দৰ্শকৰ প্ৰিয়। শেহতীয়াকৈ পাপাৰাজী আৰু ব্যক্তিগত জীৱনৰ সমস্যাৰ প্ৰতি অসন্তুষ্টি প্ৰকাশ কৰাৰ পিছত সংবাদ মাধ্যম আৰু ৰাজহুৱা উপস্থিতিৰ পৰা নিজকে দূৰত ৰাখিছে অভিনেত্ৰীগৰাকীয়ে। সেয়েহে প্ৰযোজকসকলে মৌনীক শ্ব’টোৰ অংশ হোৱাটো বিচাৰিছিল, কিয়নো দৰ্শকে তেওঁৰ অকৃত্ৰিম আৰু স্পষ্টবাদী শৈলীৰ বাবে সদায় আগ্ৰহী। ইফালে গোবিন্দৰ শেহতীয়া সম্পৰ্কৰ বাবে সদায়ে চৰ্চাত থকা অভিতেগৰাকীৰ পত্নী সুনীতাৰ সৈতেও বিগ বছ কৰ্তৃপক্ষই যোগাযোগ কৰিছে বুলি চৰ্চা চলিছে। “বিগ বছ”ৰ স্বভাৱৰ প্ৰতি লক্ষ্য ৰাখি গোবিন্দও এনে এজন প্ৰতিযোগী বুলি প্ৰমাণিত হ’ব পাৰে যাৰ উপস্থিতিয়ে TRPৰ সকলো অভিলেখ ভংগ কৰিব পাৰে।
একাংশ সংবাদ মাধ্যমত দাবী কৰা হৈছে যে গোবিন্দৰ পত্নী সুনীতা আহুজাও এই অনুষ্ঠানত উপস্থিত থাকিব পাৰে। কিন্তু সঁচা কথাটো হ’ল “বিগ বছ ২০”ত সুনীতাৰ অভিনয়ৰ কোনো সম্ভাৱনা যেন নাই। ইতিমধ্যে সুনীতাই একতা কাপুৰৰ ৰিয়েলিটি শ্ব’ “লকআপ”ত অংশগ্ৰহণ কৰিছে। সেই শ্ব’টোৰ কঠোৰ চুক্তিৰ দফা অনুসৰি ইয়াৰ প্ৰতিযোগীসকলে নিৰ্দিষ্ট সময়ৰ বাবে আন কোনো প্ৰতিদ্বন্দ্বী ৰিয়েলিটি শ্ব’ত অংশগ্ৰহণ কৰিব নোৱাৰে। এই চুক্তিবদ্ধ বাধ্যবাধকতাৰ বাবেই সুনীতাৰ নাম সম্পূৰ্ণৰূপে বাহিৰ বুলি গণ্য কৰা হয়।
গোবিন্দ আৰু মৌনি ৰয়ৰ উপৰিও ছ’চিয়েল মিডিয়াৰ জনপ্ৰিয় তাৰকা অঞ্জলি অৰোৰা, আন্তঃৰাষ্ট্ৰীয় মডেল এলনাজ নৰুজী আৰু কুশল তনৱাৰ আটাইকেইজনেই এই ছিজনৰ বাবে নিশ্চিত প্ৰতিযোগী। মাহী ৱিজ, প্ৰাণালী ৰাথোৰ, গিয়া মানেক, কৰণ পেটেল, শুভংগী আত্ৰে, ৰিদ্ধি ডোগ্ৰা, সুনীল পাল, সনায়া ইৰানী আৰু মোহিত ছেহগালৰ সৈতেও আলোচনাত মিলিত হৈছে বিগ বছৰ কৰ্তৃপক্ষ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
