অসম লাইভ ২৪ঃ এইবৰ্ষৰ হজ যাত্ৰীসকলৰ বাবে ছৌডি আৰৱ প্ৰশাসনে জাৰি কৰিছে কিছু গুৰুত্বপূৰ্ণ নিৰ্দেশনা। ক’ৰোনা প্ৰতিষেধক গ্ৰহণ কৰা লোকসকলেহে এইবৰ্ষৰ হজ যাত্ৰাৰ বাবে অনুমতি লাভ কৰিব। সোমবাৰে ছৌডি আৰৱ প্ৰশাসনে জাৰি কৰে এই নিৰ্দেশনা। লগতে জাৰি কৰে কেইবাটাও জৰুৰী নীতি-নিৰ্দেশনা। প্ৰতিষেধক গ্ৰহণ কৰাৰ প্ৰমাণপত্ৰ লগত লৈ যাব লাগিব যাত্ৰীয়ে। লগতে নিৰ্দিষ্ট ৱেবছাইটত নিজৰ নাম পঞ্জীয়ন কৰিব লাগিব হজ যাত্ৰা কৰিব বিচৰা লোকসকলে। ছৌডি আৰৱৰ কোভিড-১৯ এপ ‘Tawakkalna’ত পঞ্জীয়ন কৰিব লাগিব যাত্ৰীৰ নাম। ইয়াৰ বিপৰীতে, যিসকল লোকে প্ৰতিষেধকৰ প্ৰথম পালি গ্ৰহণ কৰিছে আৰু ১৪ দিন কোৱাৰেণ্টিন সম্পূৰ্ণ কৰিছে অথবা ক’ৰোনাত আক্ৰান্ত হৈ সুস্থ হৈ উঠিছে সেইসকল লোকক হজ যাত্ৰাৰ বাবে অনুমতি প্ৰদান কৰিছে ছৌডি আৰৱ প্ৰশাসনে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
