ভাৱী স্বামীক গ্ৰেপ্তাৰেৰে কাৰাগাৰলৈ প্ৰেৰণ কৰি পুনৰ সংবাদ মাধ্যমৰ চৰ্চাৰ কেন্দ্ৰ বিন্দু হৈ পৰা লেডী সিংঘমখ্যাত জোনমণি ৰাভা এইবাৰ নিজেই বিতৰ্কৰ কেন্দ্ৰ বিন্দু হৈ পৰিছে৷
নগাঁও সদৰ থানাৰ উপ পৰিদৰ্শক জোনমণি ৰাভাৰ বিৰুদ্ধে এইবাৰ ধন সংগ্ৰৰ গুৰুতৰ অভিযোগ উত্থাপন কৰিছে এগৰাকী লোকে৷
আৰক্ষী বিষয়াগৰাকীয়ে ভাৱী স্বামীৰ সৈতে ধন সংগ্ৰহৰ অভিযোগ উত্থাপন কৰিছে অজিত বৰা নামৰ এজন লোকে৷
লগতে পঢ়ক উচ্চতম ন্যায়ালয়ৰ ঐতিহাসিক ৰায়, স্থগিত ৰখা হওঁক দেশদ্ৰোহ আইন
অজিত বৰাই অভিযোগ কৰা মতে উপ পৰিদৰ্শক জোনমণি ৰাভাই ৰাণা প’গাগৰ সৈতে তেওঁৰ পৰা বিপুল পৰিমাণৰ ধন সংগ্ৰহৰ বিষয়ে অৱগত আছিল৷
ইমানেই নহয়, ৰাণা প’গাগ জালিয়াতি আৰু প্ৰৱঞ্চনাৰ বিষয়ে পূৰ্বৰে পৰা জোনমণি ৰাভা অৱগত আছিল বুলি বিস্ফোৰক অভিযোগ কৰিছে ভুক্তভোগী বুলি দাবী কৰা লোকগৰাকীয়ে৷
ভুক্তভোগী লোকগৰাকীয়ে উপ পৰিদৰ্শক জোনমণি ৰাভাৰ উপস্থিতিতে ৰাণা প’গাগে কমিছন লোৱাৰো বিস্ফোৰক অভিযোগ কৰিছে৷
লগতে পঢ়ক সোঁত অব্যাহত, এইবাৰ উদীয়মান কণ্ঠশিল্পীৰ আলফা(স্বাঃ)লৈ গমন
যোৱা বৰ্ষৰ ১৮ ত জোনমণি ৰাভাৰ উপস্থিতিতে ঘনকান্ত শইকীয়াৰ পৰা ৰাণা প’গাগে ৩ লাখ ৯৬ হাজাৰ টকা লোৱাৰ অভিযোগ কৰিছে অজিত বৰাই৷
ইপিনে ৬ জুনৰ পৰা ১২ ডিচেম্বৰলৈ ৮ টা কিস্তিত অজিত বৰাই ৰাণা প’গাগক ১৩ লাখ ৭২ হাজাৰ টকা দিয়া বুলি দাবী কৰিছে৷
ইতিমধ্য অভিযুক্ত অজিত বৰাই জোনমণি ৰাভাৰ বিৰুদ্ধেও আৰক্ষীয়ে ব্যৱস্থা ল’ব লাগে বুলি দাবী জনাই গড়মূৰ আৰক্ষী থানাত এক অভিযোগ দাখিল কৰিছে৷
গড়মূৰ আৰক্ষী থানাত মঙলবাৰে এজাহাৰ দাখিল কৰি ভুক্তভোগী অজিত বৰাই কয়ে যে জোনমণি ৰাভাক বিশ্বাস কৰিয়েই তেওঁ ৰাণা প’গাগৰ টকা দিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
