ৰাছিয়ান সেনা আৰু পত্নীৰ মাজৰ এটা ৩০ ছেকেণ্ডৰ কথোপকথনৰ অডিঅ’ ভাইৰেলে সমগ্ৰ বিশ্বকে হচকিত কৰি তুলিছে৷
অডিঅ’টোত ৰাছিয়ান সেনাৰ পত্নীয়ে সৈনিক স্বামীক ইউক্ৰেইনৰ নাৰীক ধৰ্ষণ কৰিবলৈ অনুমতি দিয়াৰ লগতে নিৰ্দেশো দিছে৷ ইউক্ৰেইনৰ নিৰাপত্তা সেৱা বিভাগ(SBU)ৰ টেলিগ্ৰাম চেনেলত শ্বেয়াৰ কৰা অডিঅ’টোত স্পষ্টভাৱে পত্নীয়ে ৰাছিয়ান সেনাক ইউক্ৰেইনৰ নাৰীক ধৰ্ষণ কৰিবলৈ কোৱা শুনা গৈছে৷
‘‘তাত ইউক্ৰেইনৰ নাৰী আছে৷ তেওঁলোক ধৰ্ষণ কৰা৷ অঁ, আৰু মোক একো নক’বা, বুজিছা!’’ অডিঅ’টোত ৰাছিয়ান সেনাৰ পত্নীয়ে এইদৰে হাঁহি হাঁহি সৈনিক স্বামীক কোৱা শুনা গৈছে৷
লগতে পঢ়ক কোভিড বিধি ভংগ! প্ৰধানমন্ত্ৰীসহ বিত্তমন্ত্ৰীক জৰিমনা আৰক্ষীৰ
‘‘অঁ-হঁ৷ মই ধৰ্ষণ কৰিম৷ আৰু তোমাক একো নকওঁ ন?’’ সৈনিকজনে এইদৰে পত্নীক সোধা শুনা গৈছে৷
‘‘হয়, এই বিষয়ে মই একো নাজানো৷’’ সৈনিকৰ পত্নীয়ে এইদৰে কোৱাৰ পিছতে দুয়োৱে অট্টহাস্য কৰি হাঁহে আৰু পত্নীয়ে পুনৰ কয় ‘‘কিয় তুমি মোক সুধিছা?’’
‘‘কি মই সঁচাই ধৰ্ষণ কৰিম?’’ সৈনিক স্বামীয়ে পুনৰ সোধে৷
‘‘হয়৷ মই তোমাক অনুমতি দিছো৷ কিন্তু প্ৰটেকচন লৈ কৰিবা৷’’ সৈনিকৰ পত্নীয়ে কয়৷
লগতে পঢ়ক অভিনেত্ৰী সোণম কাপুৰৰ দিল্লীৰ বাসগৃহৰ পৰা কোনে চুৰি কৰিলে ২.৪ কোটিসহ গহনা?
SBUএ এই অভিড’টো শ্বেয়াৰ কৰি দাবী কৰিছে ৮০ শতাংশ ৰাছিয়ান সেনাৰ পত্নীয়ে তেওঁলোকৰ সৈনিক স্বামীয়ে ইউক্ৰেইনৰ নাৰীক ধৰ্ষণ কৰাতো সমৰ্থন কৰিছে৷ ‘‘আগ্ৰাসী ৰাছিয়ান সেনাৰ পত্নীয়ে তেওঁলোকৰ সৈনিক স্বামীক ইউক্ৰেইনৰ নাৰীক ধৰ্ষণ কৰিবলৈ অনুমতি দিছে৷’’ মংগলবাৰে ইউক্ৰেইনৰ নিৰাপত্তা সেৱা বিভাগে নিজৰ টেলিগ্ৰাম চেনেলত এইদৰে কয়৷
ৰাছিয়ান সেনাই শিশুসহ ১০০ তকৈ অধিক নাৰীক ধৰ্ষণ কৰা বুলি ইউক্ৰেইনৰ ৰাষ্ট্ৰপতি ভ’ল’দিমিৰ জেলেনস্কিয়ে দাবী কৰাৰ পিছতে ভাইৰেল হোৱা এই অডিঅ’টোৱে এতিয়া সমগ্ৰ বিশ্বজুৰি তুমুল প্ৰতিক্ৰিয়াৰ সৃষ্টি কৰিছে৷
ইফালে ইউক্ৰেইনৰ শিশুক যৌন নিগ্ৰহ চলোৱাৰ অভিযোগত এগৰাকী ৰুছ সেনাক গ্ৰেপ্তাৰ কৰা হৈছে৷ এগৰাকী ১১ বছৰীয়া কন্যা শিশুক নিজ মাতৃৰ সন্মুখতে ৰুছ সেনাই ধৰ্ষণ কৰা বুলিও দাবী কৰা হৈছে৷ এখন চকীত মাতৃক বান্ধি লৈ নিজ কন্যাক ধৰ্ষণৰ দৃশ্য চাবলৈ ৰুছ সেনাই বাধ্য কৰা বুলি প্ৰকাশ পাইছে৷
লগতে পঢ়ক ৯০ গৰাকী স্পাইজেট পাইলটৰ বিমান উৰণত নিষেধাজ্ঞা DGCAৰ : কিন্তু কিয়?
ইফালে এগৰাকী ১৪ বছৰীয়া কিশোৰীক পাঁচগৰাকী ৰুছ সেনাই ধৰ্ষণ কৰাৰ পিছতে কিশোৰীগৰাকী গৰ্ভৱতী হোৱা বুলি দাবী কৰিছে ইউক্ৰেইনৰ মানৱ আধিকাৰ সংসদীয় আয়ুক্ত ল্যুডমিলা ডেনিছ’ভাই৷
আনহাতে, মস্কোৱে ইউক্ৰেইনৰ এই সকলো দাবীকে নস্যাৎ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
