ৰিলিজ নহওঁতেই ৰেকৰ্ড, সত্য কাহিনীৰ ওপৰত ছবি নিৰ্মাণ হ’বলৈ লাগিল ৯ বছৰ, এতিয়া ৫টা ভাষাত পাব মুক্তি
এক সত্য কাহিনীৰ ওপৰত নিৰ্মাণ হোৱা ছবি। যি ছবি নিৰ্মাণ কৰিবলৈ সময় লাগিল ৯ বছৰ। খৰচ কৰিব লগা হল ৪০ কোটি। এতিয়া ৫ টাকৈ ভাষাত পাব শুভমুক্তি। পাছে মুক্তিৰ পূৰ্বেই চাঞ্চল্যৰ সৃষ্টি কৰিছে ছবিখনে। ট্ৰেইলাৰ দেখিয়ে তবধ সকলো।
মালয়ালমৰ ছুপাৰষ্টাৰ পৃথ্বীৰাজ সুকুমাৰণে অভিনয় কৰা ছবিখন এক সত্য কাহিনীৰ ওপৰত নিৰ্মিত। মৰুভুমিত জীৱন সংগ্ৰাম কৰি কোনোমতে জীয়াই থকা এগাৰকী লোকৰ ওপৰত নিৰ্মাণ হৈছে ছবিখন।
ছবিখনৰ নাম ‘দ্য গ’ড লাইফ আদুজীৱিতম’। চলিত মাহৰে অহা ২৮ মাৰ্চত সমগ্ৰ বিশ্বৰ চিনেমাগৃহত মুক্তি পাব ছবিখনে। অভিনেতা পৃথ্বীৰাজ সুকুমাৰনে ইতিমধ্যে ছবিখনৰ তামিল, তেলেগু, কানাড়া আৰু হিন্দী ভাষাৰ ডাবিঙৰ কাম সম্পূৰ্ণ কৰিছে।
ছবিখনৰ কাহিনীভাগ লোৱা হৈছে মালয়ালম সাহিত্যৰ অতিকে জনপ্ৰিয় আৰু বেষ্ট চেলাৰ হোৱা উপন্যাস ‘আদুজীৱিতম’ৰ পৰা। বিখ্যাত লেখক বেঞ্জামিনে লিখা উপন্যাসখন ইতিমধ্য ১২টা ভিন্ন ভাষালৈ অনুবাদ হৈছে।
কিতাপখনৰ কাহিনীভাগত নব্বৈৰ দশকৰ আৰম্ভণিতে কেৰালাৰ ৰসাল বিলৰ পৰা পলায়ন কৰি বহিঃৰাজ্যত নিজৰ সৌভাগ্য বিচাৰি যোৱা নাজিব নামৰ এজন যুৱকৰ সত্য কাহিনী উপস্থাপন কৰা হৈছিল, সেই কাহিনীকে এইবাৰ চিনেমাৰ আকাৰ দিছে ৰাষ্ট্ৰীয় বঁটা বিজয়ী পৰিচালক প্লেচিয়ে।
ছবিখনৰ সংগীত এ আৰ ৰহমানৰ। বিশ্বৰ বিভিন্ন ঠাইত শ্বুটিং কৰা এই ছবিখন মালয়ালম চিনেমাৰ বৰ্তমানলৈ কৰা আটাইতকৈ ডাঙৰ প্ৰজেক্ট।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
