বলিউদৰ পাৰ্ফেকশ্যনিষ্ট আমিৰ খান আৰু পৰিচালক কিৰণ ৰাৱে ১৫ বছৰীয়া বৈবাহিক সম্পৰ্ক যতি পেলালে৷ ইতিমধ্যে দুয়োৱে বিবাহ বিচ্ছেদ কৰিছে৷
উল্লেখ্য যে ছবি পৰিচালক কিৰণ ৰাওৰ সৈতে আমিৰ খানৰ এয়া দ্বিতীয় বিবাহ আছিল৷ ইয়াৰ পূৰ্বে আমিৰে ৰীণা দত্তৰ সৈতে বিবাহপাশত আৱদ্ধ হৈছিল আৰু তেওঁলোক এটা পুত্ৰ আৰু এগৰাকী কন্যা সন্তান আছিল৷
ৰীণাৰ সৈতে বিবাহ বিচ্ছেদ কৰাৰ পিছতে আমিৰ খানে কিৰণ ৰাওৰ সৈতে সম্পৰ্কৈ আহিছিল আৰু পিছত দুয়ো বিবাহপাশত আৱদ্ধ হৈছিল৷ তেওঁলোকৰ এটি পুত্ৰ সন্তানো আছে৷
লগতে পঢ়ক দ্বাদশ শ্ৰেণীৰ ৰাসায়ন বিজ্ঞানৰ প্ৰশ্ন কাকত ফাদিল ঘটনাৰ নতুন মোৰ
কিন্তু যোৱা বৰ্ষত দুয়ো বিবাহ বিচ্ছেদ কৰাৰ সিদ্ধান্ত গ্ৰহণ কৰে৷ বিবাহ বিচ্ছেদ কৰাৰ পিছতো তেওঁলোক দুয়ো পূৰ্বৰ দৰেই বন্ধুত্বপূৰ্ণ সম্পৰ্ক আটুট আছে বুলি দাবী কৰি আহিছে৷ আনকি পুত্ৰ আজাদৰ দায়িত্ব দুয়োগৰাকীয়েই গ্ৰহণ কৰিছে৷ আৰু একেটা আৱাসতে থাকে বুলি প্ৰকাশ পাইছে৷
ইফালে আমিৰ খানৰ বিচ্ছেদৰ কাৰণ হিচাপে এগৰাকী অভিনেত্ৰীৰ নাম চৰ্চালৈ আহিছিল৷ দংগল ছবিত আমিৰ খানৰ কন্যাৰ ৰূপত অভিনয় কৰা অভিনেত্ৰী ফটিমা ছানা শেখৰৰ সৈতে আমিৰে সম্পৰ্কলৈ অহা বুলি চৰ্চা লাভ কৰিছিল৷
এই বিচ্ছেদৰ পিছতে আমিৰে ফটিমাৰ সৈতে বিবাহপাশত আৱদ্ধ হ’ব বুলিও চৰ্চা লাভ কৰিছিল৷ কিন্তু আমিৰ খানে চৰ্চা লাভ কৰা এই সকলোবোৰ সত্য নহয় বুলি দাবী কৰিছে৷
লগতে পঢ়ক উৰন্ত বিমানতে অসুস্থ যাত্ৰী; জৰুৰী অৱতৰণৰ পিছতে যাত্ৰীৰ মৃত্যু
আমিৰ খানে স্পষ্টভাৱে কয় যে তেওঁৰ জীৱনত এতিয়া কোনো নাৰী নাই৷ আমিৰে লগতে কয়, ৰীণা দত্তৰ সৈতে বিচ্ছেদ হোৱাৰ সময়তো তেওঁৰ কোনো নাৰীৰ সৈতে সম্পৰ্ক নাছিল৷
তেওঁলোকৰ বিচ্ছেদৰ পিছতহে লগান ছবিৰ ছেটত কিৰণ ৰাওক প্ৰথম লগ পোৱা বুলিও প্ৰকাশ কৰিছে৷ সেই সময়ত কিৰণ সৈতে বন্ধুত্বপূৰ্ণ সম্পৰ্ক থাকিলেও তাৰ কেবা বছৰৰ পিছতহে প্ৰেমৰ সম্পৰ্ক আৰম্ভ হোৱা বুলি আমিৰ খানে সদৰী কৰিছে৷
এতিয়া কিৰণৰ সৈতে বিচ্ছেদ হোৱাৰ সময়তো কোনো নাৰীৰ সৈতে সম্পৰ্ক নাই বুলি দাবী কৰিছে আমিৰ খানে৷
এই সন্দৰ্ভত কথা আমিৰে কয়, ‘‘যেতিয়া মই ৰীণাৰ সৈতে বিচ্ছেদ কৰিছিলো তেতিয়া মোৰ জীৱনত আন কোনো মহিলা নাছিল। আনকি কিৰণৰ সৈতে মোৰ বিচ্ছেদৰ সময়তো মই কাৰো সৈতে সম্পৰ্কত নাছিলো।’’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
