অসম লাইভ ২৪ঃ বলীউডৰ মিষ্টাৰ পার্ফেকচনিষ্ট আমিৰ খানৰ বিবাহ বিচ্ছেদৰ খবৰে তোলপাৰ লগোৱাৰ সময়তে পুনৰ চর্চালৈ আহিছে এটা পুৰণি খবৰ। জনপ্ৰিয় অভিনেতা অভিষেক বচ্চনৰ দ্বিতীয় পত্নী ওলাইছে। আপুনি হয়তো ভাবিছে এই দ্বিতীয় পত্নী কোন? বিয়াৰ পূর্বে অভিনেত্ৰী কৰিশ্মা কাপুৰ আৰু ৰাণী মুখার্জীৰ সৈতে সম্পর্কত আছিল অভিষেক। অভিনেত্ৰী পত্নী ঐশ্বর্য ৰায় বচ্চনৰ সৈতে সুখী দাম্পত্য জীৱন পাৰ কৰা অভিষেক বচ্চনক আন এগৰাকী অভিনেত্ৰীয়ে দাবী কৰিছে স্বামী হিচাপে। অভিনেত্ৰীগৰাকীৰ নাম জাহ্নৱী কাপুৰ। অৱশ্যে, এই জাহ্নৱী কাপুৰ শ্ৰীদেৱীৰ জীয়ৰী নহয়, বলীউডৰ কেইখনমান ছবিত সৰু চৰিত্ৰত অভিনয় কৰিছিল জাহ্নৱীয়ে। অভিষেক বচ্চন অভিনীত ‘ডাচ্চ’ নামৰ এখন ছবিৰ এটা গীততো দেখা পোৱা গৈছিল জাহ্নৱীক। অভিষেকৰ বিয়াৰ বৰযাত্ৰী ওলাওতে বচ্চনৰ বাসগৃহৰ সন্মুখত হোৱা ভিৰত হাতৰ শিৰ কাটি আত্মহত্যাৰ চেষ্টা কৰিছিল জাহ্নৱীয়ে। তাৰ পাছতে জাহ্নৱীক আটক কৰিছিল আৰক্ষীয়ে। জাহ্নৱীয়ে কৈছিল- ‘ডাচ্চ’ ছবিৰ শ্বুটিঙৰ সময়ত দুয়োৰে প্ৰেম হৈছিল আৰু অভিষেকে তেওঁক শিৰত সেন্দুৰ দিছিল। অৱশ্যে, আৰক্ষীয়ে প্ৰমাণ বিচৰাত কোনো প্ৰমাণ দিব পৰা নাছিল জাহ্নৱীয়ে। আনহাতে, এই সম্পর্কে আজিলৈ কোনো প্ৰতিক্ৰিয়া ব্যক্ত কৰা নাই অভিষেক অথবা ঐশ্বর্যই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
