অঘটন, আন্তঃৰাষ্ট্ৰীয় খেলত প্ৰথমবাৰলৈ শক্তিশালী অষ্ট্ৰেলিয়াক পৰাস্ত আফগানিস্তানৰ, ২১ ৰানত জয়
অঘটন ঘটালে আফগান ক্ৰিকেট দলে। কোনেও হয়তো ভবা নাছিল এই ফলাফলৰ। টি ২০ বিশ্বকাপৰ সমীকৰণেই সলাই পেলালে আফগানিস্তানৰ দলে। ছুপাৰ ৮ৰ খেলত আফগানিস্তানে ২৪ ৰানৰ ব্যৱধানত পৰাস্ত কৰিলে শক্তিশালী অষ্ট্ৰেলিয়াক। এখন ভাবিব নোৱাৰা খেলত মুখ থেকেচা খালে কেংগাৰু দলে। হট ফেভাৰিত হৈ খেলপথাৰত নামিয়ো আফগানিস্তানৰ দৰে দল এটাৰ হাতত সকলো উইকেট হেৰুৱাই ২১ ৰানত পৰাজয় অষ্ট্ৰেলিয়াৰ।
অতি ৰোমাঞ্চকৰ খেলত অষ্ট্ৰেলিয়াৰ বিৰুদ্ধে আফগানিস্তানৰ দলটোৱে জয় হয়। প্ৰথমে বেটিং কৰি দলটোৱে ৰহমানুল্লাহ গুৰবাজ আৰু ইব্ৰাহিম জাদ্ৰানৰ সহায়ত ৬ উইকেটত ১৪৮ ৰান সংগ্ৰহ কৰে। ১৪৯ ৰানৰ লক্ষ্যৰে খেলপথাৰলৈ অহা কেংগাৰু দলে হয়তো ভবাই নাছিল এনে এক পৰাজয়ৰ।
অনায়াসে ১৪৯ ৰান কৰি ভাৰতৰ পাছতে দ্বিতীয়টো দল হিচাপে ছেমি ফাইনেললৈ যোৱাৰ আশা কৰিছিল। পাছে সেই আশাত পানী ঢালিলে আফগানিস্তান দলে। আইচিচি টি-২০ বিশ্বকাপত হয়তো এয়াই আছিল আজি পৰ্যন্ত হোৱা আটাইতকৈ ডাঙৰ অঘটন। আফগানিস্তানৰ দলটোৱে অষ্ট্ৰেলিয়াৰ দৰে শক্তিশালী দল এটাক আঁঠু ল’বলৈ বাধ্য কৰালে।
টছত পৰাস্ত হোৱাৰ পিছত আফগান দলটোৱে প্ৰথমে বেটিং কৰিবলৈ আহিছিল আৰু অ’পেনাৰ ৰহমানুল্লাহ গুৰবাজ আৰু ইব্ৰাহিম জাদ্ৰানৰ শতকীয় অংশীদাৰিত্বই সুদৃঢ় আৰম্ভণি কৰিছিল। গুৰবাজৰ ৬০ ৰান আৰু জাদ্ৰানৰ ৫১ ৰানৰ বাবেই আফগান দলটোৱে যুঁজ দিয়াৰ যোগ্য স্ক’ৰ কৰে।
আফগানিস্তানৰ বেগী বলাৰ নবীন উল হকে অষ্ট্ৰেলিয়াক প্ৰাৰম্ভিক আঘাত দি মেচখন সম্পূৰ্ণৰূপে নিজৰ হাতলৈ নিয়ে । অধিনায়ক ৰছিদ খানে গুলবাদিন নাইবৰ হাতত বলিং গতাই দিয়ে আৰু সকলো সলনি হৈ যায়। এইগৰাকী অভিজ্ঞ খেলুৱৈয়ে ইটোৰ পিছত সিটোকৈ চাৰিটা উইকেট দখল কৰি অষ্ট্ৰেলিয়াক স্তব্ধ কৰি পেলাই।
৪ অভাৰত ২০ ৰান দি ৪টা ডাঙৰ উইকেট দখল কৰে। শীৰ্ষ ফৰ্মত থকা মাৰ্কাছ ষ্ট’ইনিছ আৰু অৰ্ধশতক অৰ্জন কৰা গ্লেন মেক্সৱেলৰ ডাঙৰ উইকেট দখল কৰে গুলবাডিনে। টিম ডেভিদ আৰু তাৰ পিছত পেট কামিন্সকো পেভেলিয়ানলৈ যাবলৈ বাধ্য কৰায়। খেলখনৰ শ্ৰেষ্ঠ বিবেচিত হয় গুলবাডিন।
https://x.com/T20WorldCup/status/1804727971841806773
এতিয়া অষ্ট্ৰেলিয়াৰ বাবে কাইলৈ ভাৰতৰ সৈতে থকা খেলখন হব ডু-অৰ-ডাই। ভাৰতৰ হাতত পৰাজিত হোৱা মানেই প্ৰতিযোগিতা খনৰ পৰা বাহিৰ। যদিহে কাইলৈ ২৪ তাৰিখৰ খেলখনত ভাৰতক পৰাস্ত কৰিব পাৰে তেহে ভাৰতৰ সৈতে ছেমি ফাইনেল পাব অষ্ট্ৰেলিয়াৰ দলে। ভাৰতে ইতিমধ্যে ছেমি ফাইনেলত স্থান নিশ্চিত কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
