অসম লাইভ২৪ঃ মৰুৰ প্ৰান্তত সাত জনমৰ বাবে এক হোৱাৰ প্ৰতিশ্ৰুতিৰে বিবাহৰ বান্ধোনত বান্ধ খালে সিদ্ধাৰ্থ-কিয়াৰা। ৭ ফেব্ৰুৱাৰীত সম্পন্ন হৈছে বিবাহৰ অনুষ্ঠান৷ বিবাহৰ দিনাই নিশা নিজা একাউণ্টযোগে শ্বেয়াৰ দুয়োৱে শ্বেয়াৰ কৰে ফটো৷ ছবি দেখা মাত্ৰকেই দেশৰ কোটি কোটি অনুৰাগীয়ে দুয়োকে জনাইছে শুভেচ্ছা৷ বিবাহ সম্পন্ন হোৱাৰ পাছতেই তাৰকাসকলে দিয়া শুভেচ্ছা বাৰ্তাৰ মাজতে এগৰাকী অভিনেত্ৰীৰ শুভেচ্ছা বাৰ্তাই দৃষ্টি কাঢ়িছে বহুতৰে৷ সিদ্ধাৰ্থ মলহোত্ৰাৰ প্ৰাক্তন প্ৰেয়সী আলিয়া ভাটেও দুয়োকে জনাইছে বিবাহৰ শুভেচ্ছা৷
উল্লেখ্য যে ২০১২ চনত কৰণ জোহাৰৰ ছবি ‘ষ্টুডেণ্ট অৱ দ্যা ইয়াৰ’ত অভিনয় কৰিছিল সিদ্ধাৰ্থ লগতে আলিয়াইয়ো৷ ছবিখন কৰি থকাৰ সময়তে দুয়োৰে মাজত গঢ়ি উঠে প্ৰেমৰ সম্পৰ্ক৷ দীঘলীয়া সময় ধৰি দুয়ো প্ৰেমৰ সম্পৰ্কত থাকে৷ কিন্তু এই সম্পৰ্ক স্থায়ী নহ’ল৷ সময়ৰ সৈতে এই সম্পৰ্কৰ মাজত দূৰত্ব আহিল৷ আলিয়াইয়ো ৰণবীৰৰ সৈতে এবছৰ পূৰ্বে পাতনি মেলিছে সংসাৰৰ৷ ইপিনে সিদ্ধাৰ্থেও ৭ ফেব্ৰুৱাৰীত বহুদিনীয়া প্ৰেয়সী কিয়াৰাৰ সৈতে বিবাহৰ বান্ধোনত বান্ধ খায়৷ আলিয়া-সিদ্ধাৰ্থৰ মাজত প্ৰেমৰ সম্পৰ্কৰ যতি পৰিলেও বন্ধুত্ব আজিও অটুত আছে দুয়োৰে মাজত৷ তাৰেই প্ৰমাণস্বৰূপে আলিয়াই সিদ্ধাৰ্থ-কিয়াৰাৰ বিবাহৰ ফটো নিজা ইনষ্টাগ্ৰাম ষ্টৰীত শ্বেয়াৰ কৰি দুয়োকে যুগ্ম জীৱনৰ শুভেচ্ছা জনোৱা পৰিলক্ষিত হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
