অসম লাইভ২৪ঃ সংগীত জগতৰ উজ্জ্বল নক্ষত্ৰৰ তালিকাত নাম আছে অলকা ইয়াগনিকৰো৷ মাত্ৰ ১৪ বছৰ বয়সৰ পৰাই প্লে বেক চিংগাৰ হিচাপে কেৰিয়াৰ আৰম্ভ কৰিছিল অলকা ইয়াগনিকে৷ লতা মংগেশকাৰ, আশা মংগেশকাৰৰ পাছতেই আহে অলকাৰ নাম৷ মুঠ ১৬ টা ভাষাত ২,০০০ ৰো অধিক গীত গাইছে তেওঁ৷ নব্বৈৰ দশকত মেলডি কুইনৰ শীৰ্ষত আছিল অলকা৷ অন্য গায়ক-গায়িকাতকৈ তেওঁৰ ব্যক্তিগত জীৱনৰ চৰ্চা খুবেই ক’ম৷
১৯৮৯ চনত শিলঙস্থিত ব্যৱসায়ী নীৰজ কাপুৰৰ সৈতে বিবাহত বহিছিল অলকা৷ কেৰিয়াৰৰ বাবে স্বামীৰ সৈতে একেলগে থকাৰ সুযোগেই পোৱা নাছিল অলকাই৷ দূৰে দূৰে থাকিও কিন্তু দুয়োৰে মাজত অটুত আছিল ভালপোৱা৷ ২৫ বছৰ ধৰি লং ডিষ্টেনছ ৰিলেশ্যনচিপত আছিল দুয়ো৷ ১৯৮৬ চনত অলকাই মাতৃৰ সৈতে নতুন দিল্লীত থাকিবলৈ আৰম্ভ কৰিছিল৷ তাতেই সাক্ষাৎ হৈছিল নীৰাজৰ সৈতে৷ প্ৰথমে বন্ধুত্ব তাৰপিছত বিবাহ৷
অলকাৰ পৰিয়ালে পোনতে এই বিবাহত মত দিয়া নাছিল৷ কিয়নো অলকাই মুম্বাইত কেৰিয়াৰ আৰম্ভ কৰিছিলহে৷ তেনেক্ষেত্ৰত মুম্বাইৰ বাহিৰৰ এজন ব্যৱসায়ীৰ সৈতে বিয়া কৰোৱাই কেৰিয়াৰত খেলিমেলিৰ সৃষ্টি হোৱাটো পৰিয়ালে বিচৰা নাছিল৷ নীৰাজৰ সৈতে তেওঁ শ্বিলঙলৈ গুচি যোৱাটো কোনো কাৰণতে সম্ভৱ নহয়৷ কিন্তু সকলো বাধা আঁতৰাই দুয়ো বিয়াত বহে৷ বিবাহৰ এবছৰৰ পাছতেই মাতৃও হৈছিল অলকা৷ কন্যাক লৈ অকলেই মুম্বাইত সংগ্ৰাম অব্যাহত ৰাখে অলকাই৷ এক সাক্ষাৎকাৰত অলকাই এই সন্দৰ্ভত কয়, ‘মই কোনো অন্য পুৰুষৰ সৈতে কেতিয়াও আকৃষ্টই নহওঁ৷ মোৰ প্ৰেমক লৈ ধাৰণা কিছু পৃথক৷ মই সোঁতত উটি যোৱা ব্যক্তি কোনোদিনেই নহয়৷ বৰং সকলো অতিক্ৰমি প্ৰতিদিনেই মই নীৰাজৰ প্ৰেমতেই পৰিছো৷ বিশ্বাসেই আমাৰ সম্পৰ্কটো ধৰি ৰাখিলে৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
