অসম লাইভ ২৪ঃ বিলাসী ক্ৰুজৰ ৰেভপাৰ্টীত VVIP অতিথি হিচাপে আমন্ত্ৰণ জনাইছিল শ্বাহৰুখ খানৰ পুত্ৰ আৰিয়ান খানক৷ আদালতত এই কথা সদৰী কৰিছে আৰিয়ান খানৰ অধিবক্তা সতীশ মানেশ্বিনডেই৷ ‘গ্লেমাৰ’ৰ বাবেই বলীউড ছুপাৰষ্টাৰৰ পুত্ৰক আমন্ত্ৰণ জনাইছিল আয়োজকে৷ সম্প্ৰতি আদালতে ১৪ দিনৰ ন্যায়িক জিম্মাত আছে আৰিয়ান৷ আৰিয়ানৰ লগতে আন ৭গৰাকীকো ন্যায়িক জিম্মালৈ প্ৰেৰণ৷ দেওবাৰে NCBয়ে বিলাসী ক্ৰুজত চলোৱা অভিযানত নিষিদ্ধ ড্ৰাগছ পাৰ্টীৰ মাজৰ পৰা আটক কৰিছিল শ্বাহৰুখ খানৰ পুত্ৰক৷ আৰিয়ানৰ পৰা আৰক্ষীয়ে নগদ ধনৰ লগতে জব্দ কৰিছে বহু লক্ষাধিক টকাৰ হেৰ’ইন৷ ড্ৰাগছ গ্ৰহণ কৰাৰ কথা আৰক্ষীৰ জেৰাত স্বীকাৰ কৰিছে আৰিয়ানে৷ ইফালে বহু বলীউড তাৰকাই টুইটযোগে আৰিয়ান খানক সমৰ্থন আগবঢ়াইছে৷ আজি আৰিয়ান খানসহ ৮ অভিযুক্তৰ জামিনৰ শুনানি গ্ৰহণ কৰিব আদালতে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
