আজিৰ কেবিনেট বৈঠক- ১০ মে’ত নিযুক্তি, লগতে নতুনকৈ ১৫ হাজাৰ চাকৰি…
আজি ২৭ অক্টোবৰ তাৰিখ দেওবাৰে অনুষ্ঠিত হয় অসম চৰকাৰৰ বিশেষ কেবিনেট বৈঠক। এই বৈঠকতে লোৱা হয় কেইবাটাও সিদ্ধান্ত। তাৰেই ভিতৰত লোৱা হয় ADRE পৰীক্ষাৰ ফলাফল ঘোষণাৰ দিন। লগতে কেতিয়াকৈ উত্তীৰ্ণ প্ৰাৰ্থী সকলক নিযুক্তি দিয়া হব সেই বিষয়তো ঘোষণা কৰা হয়।
অহা ২০২৫ বৰ্ষৰ ফেব্ৰুৱাৰীত ঘোষণা হব ADRE পৰীক্ষাৰ ফলাফল। লগতে হিমন্ত বিশ্ব শৰ্মা চৰকাৰৰ চতুৰ্থ বৰ্ষপূৰ্তি হিচাপে ১০ মে’ দিনাই প্ৰদান কৰা হব নিযুক্তি পত্ৰ। ৰাজ্যৰ ৩৫ হাজাৰ প্ৰাৰ্থীয়ে পাব নিযুক্তি পত্ৰ।
লগতে ইয়াকো সদৰি কৰে যে, মৌখিক পৰীক্ষাৰ বাবে এটা পদৰ বিপৰীতে দুজনকৈ প্ৰাৰ্থী নিৰ্বাচিত কৰা হব। তাৰ পাছত হে সেই দুজনৰ ভিতৰত এজনে স্থান পাব। ইয়াৰ উপৰিও নতুনকৈ ১৫ হাজাৰ চাকৰিৰ বিজ্ঞাপন দিয়া হব বুলিও সদৰি কৰে আজিৰ বৈঠকত।
মৰগীয়া বানচ সন্দৰ্ভতো বিশেষ সিদ্ধান্ত। ৰাজ্য চৰকাৰৰ কৰ্মচাৰীৰ ৩ শতাংশ মৰগীয়া বানচ বৃদ্ধি। ৰাজ্য চৰকাৰৰ কৰ্মচাৰীৰ DA ৫৩ শতাংশ হ’বগৈ। লগতে দীপাৱলী উপলক্ষে ২৮ অক্টোবৰ তাৰিখেই ৰাজ্য চৰকাৰৰ কৰ্মচাৰীক দৰমহা দিয়া হ’ব। ডিচেম্বৰৰ দৰমহাৰ লগত বৰ্ধিত DA লাভ কৰিব ৰাজ্যিক কৰ্মচাৰীয়ে। জুলাই মাহৰ পৰা কাৰ্যকৰী হ’ব এই DA বৃদ্ধি। ৪ মাহৰ বকেয়া ডিচেম্বৰৰ পৰা পৰ্যায়ক্ৰমে ২৫ শতাংশকৈ লাভ কৰিব অসম চৰকাৰ কৰ্মচাৰীয়ে।
জীৱন্ত ৰাস অনুষ্ঠিত কৰা অনুষ্ঠানলৈ ২৫ হাজাৰ টকাকৈ আৰ্থিক অনুদান দিব ৰাজ্য চৰকাৰে। ৰাজ্যৰ প্রায় ১৯০০ খন জীৱন্ত ৰাসে পাব ২৫ হাজাৰ টকাৰ আৰ্থিক অনুদান। ৰাসৰ ক্ষেত্রত প্রশাসনীয় অনুমতিৰ মাচুল প্রত্যাহাৰৰ সিদ্ধান্ত গ্ৰহণ কেবিনেটৰ।
মৈত্রী আঁচনিৰ বাবে ১৫০ কোটি টকাৰ অনুমোদন ঘোষণা ৰাজ্য চৰকাৰৰ। ৰিলায়েঞ্চৰ সৈতে MoU কৰিব ৰাজ্য চৰকাৰে। গ্ৰীণ অইল, গ্ৰীণ এনাৰ্জীৰ বাবে ৰিলায়েঞ্চৰে কৰিব বুজাবুজি চুক্তি।
আজিৰ এই বৈঠকতেই ধনুৰ্বিদ জয়ন্ত তালুকদাৰক DSP পদ প্ৰদান কৰাৰ সিদ্ধান্তও লয় আৰু সংবাদ মেলত ঘোষণা কৰে মুখ্যমন্ত্ৰীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
