সামাজিক মাধ্যমৰ প্ৰভাৱ অপৰিহীম৷ সামাজিক মাধ্যমে ৰাতিটোৰ ভিতৰতে কাৰোবাক হিৰ’ বনাই, কাৰোবাক পলকতে জিৰ’ও বনায়৷ এই সামাজিক মাধ্যমে সমাজলৈ যিমান ধনাত্মক অৰিহণা আগবঢ়াই ঠিক তেনেকৈ ঋণাত্মক প্ৰভাৱেও সমাজৰ কঁকালত মাজে মাজে প্ৰচণ্ড গোৰ শোধায়৷
সামাজিক মাধ্যমে বিশ্বৰ লগতে এই আপামৰো বহু লোকক ভাইৰেল কৰি ৰাতিটোৰ ভিতৰত নায়ক সজাইছে৷ ২০২০ বৰ্ষত গুৱাহাটীৰ বশিষ্ঠ ট্ৰেফিক পইণ্টৰ মিঠুন দাস নামৰ এজনৰ কৰ্তব্যৰত ট্ৰেফিক আৰক্ষীৰ ভিডিঅ’ ভাইৰেল হৈছিল৷ জোৱানজনে প্ৰচণ্ড বৰষুণতো নিজৰ কৰ্তব্য অতি নিষ্ঠাৰে পালন কৰি আছিল৷ জোৱানজনৰ সেই কৰ্তব্যনিষ্ঠাৰ প্ৰতি সন্মান জনাই ৰাজ্যৰ মুখ্যমন্ত্ৰীয়ে তেওঁক বিশেষভাৱে সম্বৰ্ধনা জনাইছিল৷
লগতে পঢ়ক ৫৬ তম জ্ঞানপীঠ সন্মান গ্ৰহণ কৰি কি ক’লে কবি নীলমণি ফুকনে? (সম্পূৰ্ণ ভাষণ)
ঠিক তেনে তদ্ৰূপ এটা ভিডিঅ’ এইবাৰো সামাজিক মাধ্যমত ভাইৰেল হৈছিল৷ দুদিনমান পূৰ্বে ভাইৰেল হোৱা ভিডিঅ’টোত এজন ট্ৰেফিক কনিষ্টবলে খানাপাৰাৰ ফুটব্ৰীজৰ সমীপৰ ট্ৰেফিক পইণ্টত ধাৰাষাৰ বৰষুণতো নিষ্ঠাৰে কৰ্তব্য পালন কৰি থকা দেখা গৈছিল৷ কৰ্তব্যৰত আৰক্ষী জোৱানজনক এখন বাহনৰ পৰা কোনো লোকে এটা ছাতি দি যোৱা দেখা গৈছিল৷
এই ভিডিঅ’টো ভাইৰেল হোৱাৰ পিছতে আৰক্ষী জোৱানজনৰ কৰ্তব্য নিষ্ঠা সামাজিক মাধ্যমত পুনৰ চৰ্চা লাভ কৰিছে৷ বহুতৰে মনত প্ৰশ্নৰ উদয় হৈছে, এই আৰক্ষী জোৱানজন কোন?
লগতে পঢ়ক কোন বলিউদৰ পৰিচালকে মডেল মান্দনা কৰিমীক গৰ্ভপাত কৰিবলৈ বাধ্য কৰালে?
বৰষুণত তিতি নিষ্ঠাৰে কৰ্তব্য সম্পাদন কৰি থকা জোৱানজন হৈছে লক্ষ্যজ্যোতি সন্দিকৈ৷ এই ভিডিঅ’ ভাইৰেল হোৱাৰ পাছতে লক্ষ্যজ্যোতিয়ে সংবাদমাধ্যমৰ আগত মন্তব্য কৰিছে যে- ‘‘কাম কামেই, কামটো ভালদৰে কৰো। কেতিয়াবা এনেদৰে কাম কৰাৰ বাবে মানুহে যেতিয়া কিবা এটা ভালদৰে কয় নিজৰে কিবা এটা ভাল লাগে।’’
ইফালে, এই ভিডিঅটোক লৈ প্ৰতিক্ৰিয়া প্ৰকাশ কৰিছে ৰাজ্যৰ মুখ্যমন্ত্ৰী ডঃ হিমন্ত বিশ্ব শৰ্মাই। মুখ্যমন্ত্ৰী শৰ্মাই কয় কয়- ‘‘আৰক্ষী সদায় জনতাৰ বাবে। যি পৰিস্থিতি নহ’লেও কাম কৰিবই লাগিব। আমি আৰক্ষীক এনেদৰেই প্ৰস্তুত কৰিব বিচাৰিছো। তেখেতৰ কৰ্তব্যনিষ্ঠাক মই শলাগিছো।’’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
