১ বছৰৰ বাবে বেংক অফ বৰোদাত ৫লাখ জমা ৰাখিলে কিমান ৰিটাৰ্ণ পাব?

আপুনি নিৰাপদ আৰু নিশ্চিত ৰিটাৰ্ণ বিচাৰে? তেন্তে ফিক্সড ডিপোজিটত বিনিয়োগ কৰিব পাৰে৷ আপুনি বেংক অফ বৰোদাৰ FD স্কিম বাচি ল’ব পাৰে৷ বৰ্তমান বেংকত বিভিন্ন ম্যাদৰ FDত আকৰ্ষণীয় সুদৰ হাৰ দিয়া হৈছে৷ যদি দীৰ্ঘম্যাদি বিনিয়োগ কৰিব খোজে তেন্তে ১ বছৰৰ FDত বিনিয়োগ কৰিব পাৰে৷ বেংক অফ বৰোদাৰ পক্ষৰ পৰা ১ বছৰৰ FDত সাধাৰণ গ্ৰাহকৰ ৬.২৫ শতাংশ সুদ দিয়া হৈছে৷ আৰু প্ৰবীণ নাগৰিকসকলৰ বাবে এই হাৰ ৬.৭৫ শতাংশ ৰখা হৈছে৷ প্ৰবীণসকলৰ বাবে এই অতিৰিক্ত সুদৰ হাৰ তেওঁলোকৰ ভাল আয়ৰ সুযোগৰ বাবে দিয়া হৈছে৷

আপুনি যদি ৫ লাখ টকাৰ FD কৰে তেতিয়া ১ বছৰৰ পাছত ৩০ হাজাৰ টকাতকৈ বেছি সুদ পাব৷ সাধাৰণ গ্ৰাহক হিচাপে ৫লাখ টকা বিনিয়োগ কৰিলে ১ বছৰৰ পাছত মেচিউৰিটিত আপুনি পাব ৫৩২, ৬২৮ টকা৷ অৰ্থাৎ প্ৰায় ৩২৬২৮ টকা সুদ৷ অন্যহাতে প্ৰবীণ নাগৰিকে একেই বিনিয়োগত পাব ৫৩৫, ৩০৬ টকা৷ অৰ্থাৎ প্ৰায় ৩৫,৩০৫ টকা ৰিটাৰ্ণ৷ ফলত সাধাৰণ গ্ৰাহকৰ তুলনাত প্ৰবীণসকলে প্ৰায় ২৬০০ টকাতকৈ বেছি লাভ পাব৷

ফিক্সড ডিপোজিট দীৰ্ঘদিন ধৰি সকলোতকৈ নিৰাপদ বিনিয়োগৰ এক মাধ্যম হিচাপে বিবেচিত৷ ইয়াত বিনিয়োগকাৰীয়ে পূৰ্বৰে পৰাই জানে নিৰ্দিষ্ট সময়ৰ পাছত কিমান টকা ৰিটাৰ্ণ পাব৷ শ্বেয়াৰ বজাৰ বা মিউচুৱেল ফাণ্ডৰ দৰে ধন হেৰুওৱাৰ ভয় নাই৷ যিসকলে স্থিতিশীল আৰু নিৰাপদ আয় বিচাৰে তেওঁলোকৰ বাবে এয়া এক ভাল বিকল্প৷