হেৰা ফেৰী ৩ৰ পূৰ্বে পৰেশ ৰাৱালে নাকচ কৰিছিল অক্ষয় কুমাৰৰ আন এখন ছবিয়ো, যিয়ে উপাৰ্জন কৰিছিল ২২০ কোটি
হেৰা ফেৰী ৩ৰ পৰা এদিনৰ শ্বুটিং কৰাৰ পাছতো হঠাতে পৰেশ ৰাৱালৰ প্ৰস্থানে সকলোকে স্তম্ভিত কৰি তুলিছে। বাবু ভাইয়া অবিহনে হেৰা ফেৰী আধৰুৱা হৈ ৰব বুলিয়ো অনুৰাগীসকল চিন্তিত হৈ পৰিছে।
কিন্তু অক্ষয় কুমাৰ অভিনীত ছবিত কাম কৰিবলৈ অস্বীকাৰ কৰা পৰেশ ৰাৱালৰ এইয়ে প্ৰথম নহয়। ইয়াৰ পূৰ্বেও পৰেশ ৰাৱালে এখন ছবি নাকচ কৰিছিল। অক্ষয় কুমাৰ আৰু পৰেশ ৰাৱালে একেলগে কাম কৰিছিল OMG ত। কিন্তু ইয়াৰ ছিকুৱেল ছবিত পৰেশ ৰাৱালে কাম কৰিবলৈ অস্বীকাৰ কৰে।
পাছলৈ সেই ছবিত কাম কৰিছিল পংকজ ত্ৰিপাঠীয়ে। পিছত পৰেশ ৰাৱালে এই ছবি নাকচ কৰা সন্দৰ্ভত কৈছিল যে, চিত্ৰনাট্য পছন্দ হোৱা নাছিল, সেয়েহে ছবিখন কৰা নাছিল। অৱশ্যে বিশ্বব্যাপী বক্স অফিচত অ’এমজি ২য়ে ২২০ কোটি টকা উপাৰ্জন কৰিছিল।
এতিয়া পৰেশ ৰাৱালে হেৰা ফেৰী ৩ এৰি যোৱাৰ পিছত পুনৰ বিতৰ্ক আৰম্ভ হৈছে। হেৰা ফেৰী ৩ৰ পৰা পৰেশ ৰাৱালৰ প্ৰস্থানত অক্ষয় কুমাৰ, সুনীল শেট্টী আৰু প্ৰডাকচন হাউচ বিচলিত হৈ পৰিছে। যিহেতু অক্ষয় কুমাৰে ছবিখন প্ৰযোজনা কৰি আছে, সেয়েহে তেওঁ লোকচানৰ সন্মুখিন হোৱা বাবে পৰেশ ৰাৱাললৈ ২৫ কোটি টকা ক্ষতিপূৰণৰ বাবে আইনী জাননী প্ৰেৰণ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
