কেইবাদিন ধৰি দূৰত্ব বঢ়াই গৈ আছিল প্ৰেমিকে৷ বিবাহক লৈয়ো প্ৰায় অনিচ্ছা প্ৰকাশ কৰিবলৈ ধৰিছিল প্ৰেমিকে৷ প্ৰেমিকৰ এই ব্যৱহাৰত ক্ষোভিত প্ৰেয়সীয়ে কৰিলে আচৰিত কাণ্ড৷ প্ৰেমিকক মৰমেৰে ঘৰলৈ মাতি আনি হাত, ভৰি, চকু বান্ধি গাত কেৰোচিন ঢালি প্ৰেমিকক জ্বলাই দিয়াৰ অভিযোগ উঠিছে প্ৰেমিকাৰ বিৰুদ্ধে৷
বাংগালুৰুৰ বাদাৰাহাল্লি থানা এলেকাত এই ঘটনা৷ নিহত যুৱকৰ নাম কিৰণ৷ কিৰণৰ বয়স আছিল প্ৰায় ২৭ বছৰ৷ তদন্তত নামি প্ৰাথমিকভাৱে আৰক্ষীৰ অনুমান যে এই হত্যা পূৰ্বপৰিকল্পিত৷ তদন্তকাৰীয়ে জনাইছে যে মঙ্গলবাৰে দুপৰীয়া ২ বজাত প্ৰেমিকাৰ ঘৰত উপস্থিত হৈছিল প্ৰেমিক কিৰণ৷ তাৰপিছতেই তাতেই দগ্ধ অৱস্থাত উদ্ধাৰ হয় দেহ৷
এই ঘটনাৰ পাছতেই ২৭ বছৰীয়া তৰুণীক গ্ৰেপ্তাৰ কৰিছে আৰক্ষীয়ে৷ তেওঁৰ বিৰুদ্ধে হত্যাৰ গোচৰো ৰুজু কৰা হৈছে৷ এই সমগ্ৰ ঘটনাক লৈ আৰক্ষীয়ে সোধপোছ অব্যাহত ৰাখিছে প্ৰেয়সীক৷ প্ৰয়োজনত চিন ৰিক্ৰিয়েটো কৰা হব পাৰে৷ আৰক্ষীয়ে জনাইছে যে ৰাজাজিনগৰ এলেকাত এটা মোবাইল নেটৱৰ্ক সংস্থাৰ ষ্টোৰত কাম কৰিছিল কিৰণ আৰু প্ৰেমাই৷ তাতেই তেওঁলোকৰ প্ৰেমৰ আৰম্ভণি৷ কিন্তু বিগত কেইবাদিন ধৰি তেওঁৰ সৈতে যোগাযোগ কমাই আনিছিল কিৰণে৷ তাক লৈয়েই দুয়োৰে মাজত কাজিয়াৰ সূত্ৰপাত হৈছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
