বিয়া খাবলৈ গৈ অসুস্থ ৪০০তকৈয়ো অধিক অতিথি৷ অসুস্থসকলৰ মাজত কেইবাজনো শিশুও আছে৷ খাদ্যত বিষক্ৰিয়া হৈ অসুস্থ হৈ পৰা বুলি প্ৰাথমিকভাৱে ধাৰণা কৰিছে স্বাস্থ্য দপ্তৰৰ অধিকাৰীসকলে৷ স্বাস্থ্য দপ্তৰ আৰু স্থানীয় প্ৰশাসন সূত্ৰৰ খবৰ অনুসৰি সোমবাৰে নিশা দাহোদৰ আবহলোদ গাওঁত অনুস্থিত বিবাহ অনুষ্ঠানলৈ আমন্ত্ৰিত আছিল প্ৰায় ১০০০ লোক৷ তাতেই তেওঁলোকক দাইল, ভাত, পাচলি, লুচি-পুৰিৰ ওপৰিও আমৰ জুছ, পাপৰ আৰু পনীৰৰ তৰকাৰীৰে আপ্যায়ণ কৰা হৈছিল৷ খোৱাৰ পাছৰে পৰাই বহুতেই পেটৰ বিষ অনুভৱ কৰে৷ ইয়াৰ সৈতে বহুতৰে ডায়েৰিয়াৰ উপসৰ্গইয়ো দেখা দিয়ে৷ লগে লগে তেওঁলোকক হাস্পতাললৈ লৈ যোৱা হয়৷
গুজৰাটৰ দাহোদ জিৱাৰ স্বাস্থ্য বিষয়াই জনোৱা অনুসৰি প্ৰথমে শিশুসকল অসুস্থ হৈ পৰিছিল৷ তাৰপিছত জেষ্ঠ্যসকলো অসুস্থ হৈ পৰে৷ আটাইবোৰকে হাস্পতালত ভৰ্তি কৰোৱা হৈছে৷ অসুস্থসকলৰ মাজত ২৩০জন বৰ্তমানো হাস্পতালতেই ভৰ্তি হৈ আছে৷ ইয়াৰে ১৩৭ জনৰ স্বাস্থ্য সুস্থিৰ হোৱাত তেওঁলোকক ৰিলিজ দিয়াৰ ব্যৱস্থা কৰা হৈছে৷ স্বাস্থ্য দুৰ্বল হৈ থকাৰ বাবে এতিয়াও ৮৫ জনক চিকিৎসালয়তে ৰখা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
