অসম লাইভ২৪ঃ ভোজপুৰী তাৰকা গায়ক, অভিনেতা আৰু বিজেপি নেতা মনোজ তিৱাৰীয়ে পত্নী সুৰভি তিৱাৰীয়ে তৃতীয়বাৰৰ বাবে পিতৃ হোৱাৰ খবৰ শ্বেয়াৰ কৰাৰ পাছতেই আৰম্ভ হৈছে চৰ্চা৷ মনোজ তিৱাৰীৰ পত্নী সুৰভিয়ে এজনী কন্যা সন্তান জন্ম দিছে। এয়া মনোজৰ তৃতীয় কন্যা। পূৰ্বেও সুৰভি-মনোজৰ এগৰাকী কন্যা সন্তান আছে৷ ভোজপুৰী অভিনেতা তিৱাৰীৰ ব্যক্তিগত জীৱনটো যদি চোৱা যায়, এই সফলতাৰ আঁৰত আছে এক কঠিন যুঁজ। জীৱনৰ বহু উত্থান-পতনৰ মাজেৰে আহি মনোজ আজিৰ স্থানত উপনীত হৈছে। এই ভাগ্য সলনিৰ আঁৰত আছে মনোজ তিৱাৰীৰ এটা বিশেষ গান৷ সেই গানেই এটা ৰাতিৰ ভিতৰতেই সলনি কৰি দিছিল মনোজ তিৱাৰীৰ ভাগ্য।
সফলতাৰ আঁৰৰ কথা কওঁতে এক সাক্ষাৎকাৰত মনোজ তিৱাৰীয়ে প্ৰকাশ কৰা মতে, তেওঁ কেৰিয়াৰ আৰম্ভ কৰোতে পোনতে বেনাৰসৰ গংগা ঘাটত গান গাইছিল। প্ৰথমে গংগা আৰতিৰ বাবে মনোজ তিৱাৰীক মাতি অনা হৈছিল তেতিয়াই তেওঁৰ ভাগ্য সলনি হয়৷ তাৰপাছতেই ১৯৯৫ চনৰ পৰা তিৱাৰীয়ে সৰু সৰু অনুষ্ঠানত গান গাবলৈ আৰম্ভ কৰে। গান গাই থাকিল কিন্তু বিশেষ জনপ্ৰিয়তা লাভ নকৰিলে মনোজে৷ সংগ্ৰাম চলি থকাৰ মাজতেই তিৱাৰীয়ে মুকলি কৰিলে এটা গানৰ এলবাম৷ ‘বাগালৱালী’ নামৰ গানৰ এলবাটো মুকলি হোৱাৰ লগে লগেই ভোজপুৰী সংগীতক্ষেত্ৰত চিনাকী নাম হৈ পৰিল মনোজ তিৱাৰী৷ কেৱল বিহাৰতেই নহয়, ভাৰতৰ অলিয়ে গলিয়ে চলিবলৈ ধৰিল ‘বাগালৱালী’৷ এটা ৰাতিৰ ভিতৰতেই মনোজ হৈ পৰিল চুপাৰষ্টাৰ৷
বাগালবালী এলবামৰ আন এটা গান ‘এ চম্পা চামেলি কালি আলবেলি’ যথেষ্ট ভাইৰেল হৈছিল। ইয়াৰ পিছত, অভিনেতাজনৰ ‘আপ ৱালি কে চক্কৰ মে লাইকা খুব পিটেইল বা’ গানটো ভাইৰেল হৈ পৰে। তেওঁ ভোজপুৰী সংগীতক্ষেত্ৰৰ প্ৰথম তাৰকা গায়ক, যিয়ে টি-চিৰিজৰ বাবে গান গাইছিল। টি চিৰিজত গান গোৱাৰ সুযোগ সহজে পোৱা নাছিল তিৱাৰীয়ে৷ তাৰ আঁৰত আছে তেওঁৰ কঠোৰ অধ্যৱসায়৷ মনোজ তিৱাৰীয়ে ভোজপুৰী সংগীতক্ষেত্ৰত কাম
মনোজ তিৱাৰীয়ে তেওঁৰ এটা সাক্ষাৎকাৰত কৈছিল যে তেওঁ যেতিয়া দিল্লীলৈ প্ৰথম আহিছিল, জীৱিকাৰ বাবে কঠোৰ পৰিশ্ৰম কৰিব লগা হৈছিল। দিল্লীলৈ যোৱাৰ পিছত, তেওঁ লোধি ৰোডত অৱস্থিত এটা টি-চিৰিজ কোম্পানীত কাম কৰিবলৈ লয় মনোজে৷ তেতিয়াই গুলচন কুমাৰে তেওঁক গান গোৱাৰ সুযোগ দিয়ে৷ এই সুযোগেই সলাইছিল মনোজৰ ভাগ্য৷ দেশৰ ভিতৰতেই চিনাকি নাম হৈ পৰিল মনোজ৷ মনোজ তিৱাৰীয়ে এই সন্দৰ্ভত কয়, ‘মই এনে এটা পৰিয়ালৰ পৰা আহিছো, য’ত মই দিনহাজিৰাও কৰিছিলো৷ আনৰ বাবে ৰুটি তৈয়াৰ কৰিছিলো। কেৱল এয়াই নহয়, বিদ্যালয়লৈ যাবলৈ ৪ কিলোমিটাৰ খোজেৰে গৈচিলো৷ সংগ্ৰামৰ সেই দিনবোৰ কিমান দিন ৰে’লৱে প্লেটফৰ্মত শুইছো হিচাপ নাই৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
