অসম লাইভ ২৪ঃ গছ-গছনিৰে ভৰা সেউজীয়াৰ মাজত এখন সু্ন্দৰ অ’ভাৰ ব্ৰিজ৷ ব্ৰাজিলৰ ৰিঅ’ দি জেনেৰিঅ’ৰ আটলাণ্টিক অৰণ্যত সাজি উলিওৱা হৈছে অ’ভাৰ ব্ৰিজখন৷ বিশেষভাৱে বান্দৰৰ বাবে এই পদক্ষেপ গ্ৰহণ কৰিছে ব্ৰাজিল চৰকাৰে৷
বিশেষকৈ গ’ল্ডেন লায়ন টামাৰিন প্ৰজাতিৰ বান্দৰ বিধৰ বাবে সাজি উলিওৱা হৈছে ব্ৰীজখন৷ অৰণ্যত থকা বান্দৰবোৰে যাতে কোনো অসুবিধা নোহোৱাকৈ ৰাস্তা পাৰ কৰিব পাৰে সেই উদ্দেশ্যে নিৰ্মাণ কৰি উলিওৱা হৈছে অ’ভাৰ ব্ৰীজখন৷ কিয়নো, দুৰ্ঘটনাত পতিত হৈ প্ৰতিবছৰে মৃত্যু হয় বহু বান্দৰৰ৷
২০১৮ চনতো য়েল্ল’ ফিভাৰৰ বাবে মুঠ বান্দৰৰ ৩২ শতাংশৰ মৃত্যু হয়৷ বৰ্তমান অৰণ্যখনত আছে কেৱল ২৫০০ বান্দৰ৷ গতিকে এই বিশেষ প্ৰজাতিৰ বান্দৰবিধৰ সুৰক্ষাৰ তথা সংৰক্ষণৰ বাবে এই উল্লেখনীয় পদক্ষেপ গ্ৰহণ কৰিছে ব্ৰাজিল প্ৰশাসনে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
