ইন্দ্ৰপ্ৰস্থ ইনষ্টিটিউট অৱ ইনফৰ্মেচন টেকন’লজিৰ বিটেকৰ এগৰাকী ছাত্ৰীয়ে নিজৰ হোষ্টেলৰ কোঠাত ফাঁচী লগাই আত্মহত্যা কৰিছে৷ আত্মহ্যতা কৰা ছাত্ৰীগৰাকী শ্ৰাৱণী খাটুৱা(১৯) বুলি চিনাক্ত কৰা হৈছে৷
মেধাৱী ছাত্ৰীগৰাকী ওড়িশাৰ আৰু তেওঁ আইআইটিবিত প্ৰথম বৰ্ষ ইঞ্জিনিয়াৰিঙৰ ছাত্ৰী আছিল৷ছাত্ৰীগৰাকী শিক্ষানুষ্ঠানখনৰ চৌহদত থকা হোষ্টেলৰ নিৱাসী আছিল৷ যোৱা মংগলবাৰে নিজৰ কোঠাতে থকা ছাত্ৰীগৰাকীয়ে ৰুমমেটে সন্ধিয়া কৰবালৈ ওলাই যোৱাৰ পিছতে আত্মহত্যা কৰে৷
ৰুমমেটে বাহিৰৰ পৰা আহি ৰুমৰ দুৱাৰখন ভিতৰৰ পৰা বন্ধ কৰি থোৱা পাই শ্ৰাৱণীক খুলিবলৈ চিঞৰে যদিও ভিতৰৰ পৰা কোনো সঁহাৰি লাভ নকৰে৷কিন্তু ৰুমৰ ভিতৰৰ বিষাদগন্ধী সংগীতৰ শব্দ নিৰ্গত হৈ আছিল৷
লগতে পঢ়ক কেমেৰাৰ সন্মুখতে বিজেপি নেতাক ছুৰিকাঘাত কৰি হত্যা ৪ মুখাধাৰীৰ
দুৱাৰখন খুলি নিদিয়াত ৰুমমেটে অৱশেষত নিৰাপত্তাৰক্ষী মঞ্জু তিৱাৰীক খবৰ দিয়ে৷ শিক্ষানুষ্ঠানখনৰ প্ৰশাসনীয় লোক, চিকিৎসকৰ উপস্থিতিত নিৰাপত্তাৰক্ষীয়ে ৰুমৰ দুৱাৰখন ভাঙি ভিতৰলৈ সোমাই দেখে যে শ্ৰাৱণীৰ নিথৰ দেহটো চিলিং ফেনত ফাঁচ লৈ ওলমি আছে৷
ইয়াৰ পিছতে ততাতৈয়াকৈ আৰক্ষীক খবৰ দিয়া হয়৷ আৰক্ষীয়ে ছাত্ৰীগৰাকীক ওচৰৰ এখন চিকিৎসালয়লৈ নিয়ে যদিও চিকিৎসকে মৃত বুলি ঘোষণা কৰে।
ইফালে আৰক্ষী ছাত্ৰীগৰাকীৰ লেপটপত এটা ছুইচাইড নোট উদ্ধাৰ কৰিছে আৰক্ষীয়ে বিষয়াই জনোৱা মতে, ছুইচাইড নোটত তেওঁ ডিপ্ৰেছনত ভুগি থকাৰ কথা উল্লেখ কৰিছে৷ ছাত্ৰীগৰাকীয়ে মানসিক হতাশাত ভুগি এই চূড়ান্ত পদক্ষেপ হাতত লোৱা বুলি ধাৰণা কৰা হৈছে৷
আৰক্ষীৰ তদন্ততহে মেধাৱী ছাত্ৰীগৰাকীয়ে আত্মহত্যাৰ প্ৰকৃত কাৰণ পোহৰলৈ আহিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ