ফোনৰ ভিত্তিত ভাড়া নিৰ্ধাৰণ৷ অদ্ভুত যেন লাগিলেও এয়াই সত্য৷ এণ্ড্ৰয়েডত ভাড়া কম, কিন্তু আইফোনত ভাড়া বেছি৷ কিয় এই বৈষম্য সেই অভিযোগ তোলপাৰ হৈছিল সামাজিকমাধ্যম৷ অভিযোগৰ ভিত্তিত জনপ্ৰিয় এপ কেব সংস্থা ওলা আৰু উবেৰক নটিছ পঠিয়াইছে কেন্দ্ৰীয় চৰকাৰে৷ এই ধৰণৰ অভিযোগৰ বাখ্যাও তলব কৰা হৈছে৷
কেন্দ্ৰৰ উপভোক্তা মন্ত্ৰণালয়ৰ অধীনস্থ চেন্ট্ৰেল কনজিউমাৰ প্ৰটেকছন অথৰিটিয়ে ওলা আৰু উবেৰলৈ নটিছ প্ৰেৰণ কৰিছে৷ তাত কোৱা হৈছে কিহৰ ভিত্তিত সংস্থাসমূহে যাত্ৰাপথৰ মূল্য নিৰ্ধাৰণ কৰে, তাৰ বাখ্যা দাঙি ধৰিব লাগিব৷ ফোন অনুসৰি কিয় এই বৈষম্য তাৰো জৱাব দিব লাগিব সংশ্লিষ্ট কৰ্তৃপক্ষই৷ পৰিসেৱাৰ স্বচ্ছতা বজাই ৰাখিবলৈ এই বাখ্যা অত্যন্ত প্ৰয়োজনীয় বুলিও জনাইছে কেন্দ্ৰই৷
কেইদিনমান পূৰ্বে এগৰাকী যাত্ৰীয়ে দুটা ফোন এণ্ড্ৰয়েড আৰু এপল’ৰ পৰা বুকিং কৰি ছবি সামাজিক মাধ্যমত পষ্ট কৰিছে৷ তাত স্পষ্টৰূপত দেখা গৈছে যে এক নিৰ্দিষ্ট স্থানৰ পৰা একেই গন্তব্যৰ বাবে দুটি পৃথক পৃথক কোম্পানীৰ ফোনৰ পৰা কেব বুক কৰিছিল৷ তাতেই আশ্চৰ্যজনকভাৱে আইফোনৰ পৰা ভাড়া বেছি বিচৰা হৈছিল৷ সেই ঘটনাৰ পৰাই বিতৰ্কৰ সূত্ৰপাত৷ এণ্ড্ৰয়েডতকৈ আইফোন ব্যৱহাৰকাৰীৰ পৰা বেছি টকা বিচাৰে কেব সংস্থাসমূহে৷
সেই সময়ত এই বিতৰ্কত ওলাই কোনো মন্তব্য কৰিবলৈ ৰাজি নহলেও উবেৰে জনাইছে যে দূৰত্ব, সময় আৰু সেই সময়ত বাহনৰ চাহিদাৰ নিৰিখত ভাড়া নিৰ্ধাৰিত হয়৷ কোন ডিভাইছৰ পৰা বুক কৰা হৈছে সেয়া চোৱা নহয়৷ সংস্থাসমূহৰ বিৰুদ্ধে এই অভিযোগ উঠাৰ পাছতেই ক্ৰেতা আৰু সুৰক্ষা মন্ত্ৰী প্ৰহ্লাদ যোশীয়ে এই সংস্থাসমূহৰ বিৰুদ্ধে তদন্তৰ নিৰ্দেশ দিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
