অসম লাইভ ২৪ঃ প্ৰকাশ পালে কোভিড সন্দৰ্ভত ৰাজ্য চৰকাৰৰ নতুন SOP। মঙলবাৰে স্বাস্থ্যমন্ত্ৰী কেশৱ মহন্তই সংবাদমেলযোগে ঘোষণা কৰে নতুন নীতি-নিৰ্দেশনা। ১৮ আগষ্টৰ পুৱা ৫ বজাৰ পৰা বলৱৎ হ’ব নতুন SOP ৰাজ্যৰ সাম্প্ৰতিক কোভিড পৰিস্থিতিৰ প্ৰতি লক্ষ্য ৰাখি পূৰ্বতকৈ কিছু শিথিল কৰা হৈছে কোভিড বিধি। আন্তঃজিলা যাতায়াতৰ ক্ষেত্ৰত থকা পূৰ্বৰ নিষেধাজ্ঞা শিথিল। কেৱল কামৰূপ মহানগৰ জিলাৰ ক্ষেত্ৰতহে অহা-যোৱাত নিষেধাজ্ঞা আৰোপ কৰা হৈছে। বিবাহ, অন্তিম সৎকাৰ আদিত ২৫ জনৰ অনুমতি প্ৰদান। সন্ধিয়া ৭ বজাৰ পৰা পুৱা ৫ বজালৈ কাৰ্ফিউ বাহাল থাকিব। যুগ্ম-অযুগ্ম বাহনৰ চলাচল নিয়ম প্ৰত্যাহাৰ। যাত্ৰীবাহী বাছৰ ক্ষেত্ৰত নিষেধাজ্ঞা বাহাল থাকিব। ৫০ শতাংশ যাত্ৰীৰে চলাচল কৰিব লাগিব যাত্ৰীবাহী বাছ। সন্ধিয়া ৬ বজালৈ দোকান-পোহাৰ খোলাৰ অনুমতি প্ৰদান। ৰাজহুৱা সভা-সমিতিত দুয়োপালি ভেকচিন লোৱা লোকহে উপস্থিত থাকিব পাৰিব। মন্দিৰ দৰ্শনৰ ক্ষেত্ৰত ১ ঘণ্টাত ২০ জন লোকৰহে প্ৰৱেশৰ অনুমতি। ধৰ্মীয় অনুষ্ঠানত ১০ জন লোকৰ সমাগমৰ অনুমতি। ১৮ আগষ্টৰ পৰা সকলো নামঘৰ মুকলি থাকিব। নামঘৰত অংশগ্ৰহণ কৰিব পাৰিব ৫০ শতাংশ লোকে। হোটেল-ৰেষ্টোৰাঁৰ ক্ষেত্ৰতো ৫০ শতাংশ লোকৰ অনুমতি প্ৰদান। বন্ধ থাকিব চিনেমা হল। শীঘ্ৰেই আৰম্ভ হ’ব MBBS, engineering, GNM আদিৰ চূড়ান্ত বৰ্ষৰ পাঠদান। ইয়োৰোপৰি দুয়োপালি ভেকচিন লোৱা লোকক চৰকাৰী কাৰ্যালয়লৈ যোৱাৰ অনুমতি প্ৰদান কৰে ৰাজ্য চৰকাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
