দিল্লীৰ দ্বিতীয় নিৰ্ভয়া কাণ্ডৰ ক্ষীপ্ৰ তদন্তত ৩ পাষণ্ড ভিক্ষাৰী, অটো চালক, টিন লোহা বেপাৰী আটক
ৰাজধানী দিল্লীত সংঘটিত হোৱা আন এক নিৰ্ভয়া কাণ্ডৰ বিষয়ে আৰক্ষীয়ে জনাৰ পাছতে ক্ষীপ্ৰ তদন্ত কৰি ৩ অপৰাধীক আটক কৰিবলৈ সক্ষম হয়। আৰক্ষীৰ জালত পৰা তিনি অপৰাধী ক্ৰমে ভিক্ষাৰী, অটো চালক, টিন লোহা বেপাৰী। বৰ্তমানে তিনিওকে আৰক্ষীয়ে নিজৰ জিম্মাত ৰাখিছে।
দিল্লীৰ চৰাই কালে খানত এগৰাকী কিশোৰীক দলবদ্ধ ধৰ্ষণ কৰা তিনি অপৰাধীক গ্ৰেপ্তাৰ কৰিছে আৰক্ষীয়ে। সেই অপৰাধৰেই এজন অভিযুক্ত টিল লোহা বেপাৰী হিচাপে কাম কৰে। দ্বিতীয়জনে ভিক্ষা কৰে আৰু তৃতীয় অভিযুক্তই অটো চলায়।
আৰক্ষীৰ সোধপোচত মদ্যপান কৰি এই অপৰাধ সংঘটিত কৰাৰ কথা স্বীকাৰ কৰিছে অভিযুক্তই। ভিক্ষা কৰা অভিযুক্তৰ নাম হৈছে ছমাছুল, যাৰ ভৰি দুয়োখন বেয়া।
সোধপোচত ওলাই পৰিছে সকোল ঘটনা। টিন-লোহা বেপাৰী প্ৰমোদে প্ৰথমে ধৰ্ষণ কৰিছিল পীড়িতাক। সেই সময়ত অভিযুক্তই মদ্যপান কৰি আছিল। এই কাণ্ডত ভিক্ষাৰী ছামছুলে সহায় কৰি দিছিল টিন-লোহা বেপাৰী প্ৰমোদক। পাছত ছামছুলে ধৰ্ষণ কৰিছিল পীড়িতাক।
https://x.com/hussainjaved81/status/1854437780090171432
পাছত পীড়িতাক সেই স্থানতে এৰি পলায়ন কৰিছিল দুয়ো পাষণ্ডই। পীড়িতাক সেই স্থানত পাছত উদ্ধাৰ কৰিছিল অটো চালক প্ৰভু মাহাতো। কিন্তু সহায় কৰাৰ সলনি প্ৰভু মাহাতোই অটোত উঠাই নি ধৰ্ষিতাকেই আকৌ ধৰ্ষণ কৰিছিল। কিন্তু সিমানতো ক্ষান্ত নাথাকিল প্ৰভু।
ইয়াৰ পিছত আন ঠাইলৈ লৈ যায় পীড়িতাক। তাতো প্ৰভু মাহাতোই বৰ্বৰতা সংঘটিত কৰি পীড়িতাক ৰাস্তাত পেলাই পলাই যায়। আৰক্ষীত সোধপোচত এই সমস্ত কথা স্বীকাৰ কৰিছে তিনিও পাষণ্ডই।
ঘটনাৰ ক্ষীপ্ৰ তদন্তৰ বাবে আৰক্ষীয়ে ৰিং ৰোডত প্ৰায় ১৫০টা চিচিটিভি কেমেৰাৰ ফুটেজ পৰীক্ষা কৰিছিল। ইয়াৰ উপৰিও ১৫০খন অটো পৰীক্ষা কৰা হৈছিল। ইয়াৰ পিছতে আৰক্ষীয়ে অভিযুক্তক চিনাক্ত কৰাত সফল হয়। সম্প্ৰতি অভিযুক্ত প্ৰভু মহতো, মহম্মদ ছামশুল আৰু প্ৰমোদক জেৰা অব্যাহত আছে।
জানিব পৰা মতে বিগত ১০-১১ অক্টোবৰৰ নিশা তিনিওজন অভিযুক্তই নৃশংসভাৱে নিৰ্যাতন চলাইছিল। পুৱা ৩:১৫ বজাত এই সন্দৰ্ভত প্ৰথম ফোন লাভ কৰিছিল আৰক্ষীয়ে। ঘটনাস্থলীত আৰক্ষী উপস্থিত হৈ পথৰ দাঁতিত পৰি থকা অৱস্থাত উদ্ধাৰ কৰিছিল পীড়িতাক। উদ্ধাৰৰ সময়ত ৰক্তাক্ত অৱস্থাত আছিল ভুক্তভোগী কিশোৰী।
প্ৰথম দৃষ্টিত দিল্লী আৰক্ষীয়ে ভাৱিছিল কিশোৰীক কোনো লোকে নিৰ্মমভাৱে প্ৰহাৰ কৰিছে। পাছত হাস্পতালত ভৰ্তি কৰোৱাত চিকিৎসকে সদৰি কৰিছিল দলবদ্ধ ধৰ্ষণৰ ঘটনা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
