‘INDIA’ মিত্ৰতাত ফাট! কংগ্ৰেছক বাহিৰ কৰাৰ বাবে বিদ্ৰোহ সতীৰ্থ দলৰ
‘ইণ্ডিয়া’ মিত্ৰতাত ফাট মেলা দেখা গৈছে। বিৰোধী দলৰ এই মিত্ৰতাত এতিয়া কংগ্ৰেছেই প্ৰধান হেঙাৰ হৈ পৰিছে অন্য দলৰ বাবে। যাৰ বাবে অন্য মিত্ৰ দল সমূহে এতিয়া ইণ্ডিয়া গোটৰ পৰা কংগ্ৰেক বাহিৰ কৰাৰ বাবে বিদ্ৰোহ আৰম্ভ কৰিছে।
বিৰোধী দলৰ এই মিত্ৰতাৰ অংশীদাৰসকলে এতিয়া কংগ্ৰেছৰ নেতৃত্বক ভাল পোৱা নাই। আনকি ইণ্ডিয়া ব্লকৰ দায়িত্ব ল’ব বুলি কংগ্ৰেছৰ সমুখত মন্তব্য দাঙি ধৰিছে মমতা বেনাৰ্জীয়ে।
কেৱল ইমানেই নহয়, এই মন্তব্যৰ ওপৰত অখিলেশ যাদৱ, শাৰদ পাৱাৰ, অৰবিন্দ কেজৰিৱাল, লালু যাদৱকে ধৰি বহু নেতাই মমতা বেনাৰ্জীৰ পক্ষত আছে।
কিন্তু এই সন্দৰ্ভত এতিয়াও কংগ্ৰেছ নিমাত। এই কথা কংগ্ৰেছে একেবাৰেই মানি নলয়। বৰ্তমান ইণ্ডিয়া গোটৰ মিত্ৰতাৰ কমাণ্ড কেৱল কংগ্ৰেছৰ হাতত। কিন্তু ৰাজনৈতিক অস্থিৰতালৈ চাই এনে লাগে যেন এইয়া বেছি দিন নাথাকিব। এতিয়া ৰাহুল গান্ধীৰ মিত্ৰসকলে তেওঁৰ বিৰুদ্ধে বিদ্ৰোহ আৰম্ভ কৰিছে।
আম আদমী পাৰ্টীয়েও ভাৰতীয় মিত্ৰজোঁটৰ পৰা কংগ্ৰেছক উৎখাত কৰাৰ দাবী কৰিছে। দিল্লীৰ নিৰ্বাচনত দুয়ো মিত্ৰ দলক বিপৰীত মেৰুত অৱস্থান কৰা পৰিলক্ষিত হৈছে। কংগ্ৰেছৰ এজন নেতাই অৰবিন্দ কেজৰিৱালৰ বিৰুদ্ধে এজাহাৰ দাখিল কৰাত পৰিস্থিতি আৰু অধিক বেয়া হৈ পৰিছে।
কেৱল এয়াই নহয়, অৰবিন্দ কেজৰিৱালৰ বিৰুদ্ধে কংগ্ৰেছে সন্দীপ দীক্ষিতক দিল্লীৰ নিৰ্বাচনৰ বাবে থিয় কৰাইছে। এই সকলোবোৰ দেখি আম আদমি পাৰ্টি অধিক ক্ষোভিত হৈ পৰিছে। সেয়ে আম আদমী পাৰ্টিয়ে এতিয়া কংগ্ৰেছৰ বিৰুদ্ধে যুদ্ধ ঘোষণা কৰিলে। লগতে কংগ্ৰেছক মিত্ৰতাৰ পৰা পৃথক কৰাৰো দাবী উত্থাপন কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
