ডিজিটেল ডেস্কঃ ২০২৪ৰ লোকসভা নিৰ্বাচনতো অব্যাহত থাকিব মোদী মেজিক। দেশৰ বিভিন্ন সংস্থা আৰু সংবাদমাধ্যমে এই বিষয়ক লৈ ভৱিষ্যতদ্বাণী কৰাৰ সময়তে এইবাৰ আমেৰিকাইও প্ৰকাশ কৰিছে এই সম্ভাৱনা। আমেৰিকান সংস্থা – ফিছ- এ এই সম্ভাৱনাৰ কথা ব্যক্ত কৰি কৈছে যে- ২০২৪ত ভাৰতত হব লগা লোকসভা নিৰ্বাচনত বৰ্তমানৰ চৰকাৰখনেই পুনৰ অধিষ্ঠিত হোৱাৰ প্ৰচুৰ সম্ভাৱনা আছে। কেৱল ভাৰততে নহয়, ২০২৪ৰ জানুৱাৰীত বাংলাদেশতো হব লগা নিৰ্বাচনত বৰ্তমানৰ চৰকাৰখনেই পুনৰ শাসনত অধিষ্ঠিত হব।
আমেৰিকান ৰেটিং সংস্থাটোৱে লগতে কৈছে যে, ২০২৪ত নৰেন্দ্ৰ মোদীৰ হাততেই থাকিব প্ৰধানমন্ত্ৰীৰ আসন। কিয়নো বিগত দুয়োটা কাৰ্যকালত কিছু নীতিত অটল হৈ থকা নৰেন্দ্ৰ মোদীয়ে দেশৰ গৰিষ্ঠ সংখ্যক লোকৰ মন জয় কৰিবলৈ সক্ষম হৈছে। কিছু সিদ্ধান্তৰ জৰিয়তে প্ৰধানমন্ত্ৰী হিচাপে নৰেন্দ্ৰ মোদীয়ে নিজৰ ব্যক্তিত্ব অধিক সবল কৰিবলৈ সক্ষম হোৱা বুলিও সংস্থাটোৱে দাবী কৰিছে।
উল্লেখ কৰা প্ৰয়োজন যে, ২০১৪ৰ পৰা শাসনত থকা বিজেপি চৰকাৰৰ কিছু নীতি আৰু কিছু সিদ্ধান্তক লৈ জনতাৰ ৰায়ৰ ওপৰত ভিত্তি কৰি সংস্থাটোৱে এই সমীক্ষা সদৰি কৰিছে। এতিয়াহে সময়েহে কব আমেৰিকাই দিয়া এই জাননী কিমান বাস্তৱ ৰূপ পায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
