অসম লাইভ ২৪ঃ আজিৰে পৰা আৰম্ভ হ’ব ফিফা বিশ্বকাপ ২০২২ । সুদীৰ্ঘ ৪ বছৰৰ মূৰত আৰম্ভ হ’বলগীয়া ফিফাক লৈ উছাহ-উদ্দীপনাৰে ভৰপূৰ ক্ৰীড়া অনুৰাগীসকলৰ। কাটাৰত অনুষ্ঠিত হ’বলগীয়া ফিফা বিশ্বকাপৰ সবিশেষ জানো আহক।
ফিফা বিশ্বকাপ ২০২২, কাটাৰ
ফিফা বিশ্বকাপত মুঠ ৮টা গ্ৰুপে অংশগ্ৰহণ কৰিব। প্ৰতিটো গ্ৰুপতে ৪টা দল আছে। অৰ্থাৎ মুঠ ৩২ খন দেশে খেলিব টুৰ্ণামেণ্টখন। ফিফা বিশ্বকাপৰ গ্ৰুপ ফেজ আজিৰে পৰা আৰম্ভ হ’ব আৰু ২ ডিচেম্বৰলৈ চলিব আৰু নকআউট খেল ৩ ডিচেম্বৰৰ পৰা আৰম্ভ হ’ব, লগতে ফাইনেল খেলখন ১৮ ডিচেম্বৰত সমাপ্তি ঘটিব। ফিফা বিশ্বকাপত মুঠ ৬৪ খন খেল হ’ব।
আয়োজক দেশৰ ষ্টেডিয়াম
৬৪ খেলকেইখন আয়োজিত হ’ব কাটাৰৰ বিভিন্ন প্ৰান্তত থকা ৮ খন ষ্টেডিয়ামত। ষ্টেডিয়ামকেইখন হৈছে-
আল-বাইট ষ্টেডিয়াম, খলিফা ইণ্টাৰনেচনেল ষ্টেডিয়াম, আল-থামামা ষ্টেডিয়াম, আহমেদ বিন আলী ষ্টেডিয়াম, লুছেইল ষ্টেডিয়াম, ষ্টেডিয়াম ৯৭৪, এডুকেচন চিটী ষ্টেডিয়াম আৰু আল-জানাব ষ্টেডিয়াম।
ইয়াৰে আল-বাইট ষ্টেডিয়ামখনত ফিফা বিশ্বকাপৰ প্ৰথমখন খেল আয়োজন কৰা হ’ব। ভাৰতীয় সময় অনুসৰি ৯ঃ৩০ বজাত আৰম্ভ হ’ব খেলখন। আৰম্ভণী খেলখন হ’ব আয়োজক দেশ কাটাৰ আৰু ইকুৱেডৰৰ মাজত।
ফিফা বিশ্বকাপ ২০২২ৰ খিতাপ
ফিফা বিশ্বকাপ খিতাপ জয়ৰ বাবে সকলো দলেই যিমান পাৰে সিমান কষ্ট কৰে। এতিয়া সৰ্বমুঠ ৫টা খিতাপ জয় কৰিছে ব্ৰাজিল দলটোৱে। লগতে জাৰ্মানী ৪টা, ইটালী ৪টা, আৰ্জেণ্টিনা দুটা, ফ্ৰান্স দুটা, উৰুগুৱে দুটা, ইংলেণ্ড এটা আৰু স্পেইন দলটোৱে এটা খিতাপ জয় কৰিবলৈ সক্ষম হৈছে। এইবাৰৰ ফিফা বিশ্বকাপৰ বিজয়ী দলটোৱে কিমান টকা পাব জানেনে? মুঠ ৪২ মিলিয়ন ডলাৰ ধাৰ্য কৰা হৈছে বিজয়ী দলটোৰ বাবে। ভাৰতীয় মূল্য অনুসৰি এই টকাৰ পৰিমান হ’ব প্ৰায় ৩,৪২,৩৮,৪৬,৪২৬ টকা। বাকী কেইটা টীমে কিমান টকা লাভ কৰিব তলত দিয়া ফটোখনত উল্লেখ আছে ।
ফিফা বিশ্বকাপৰ ১৯৮২ৰ পৰা ২০১৮লৈ বিজয়ী দলটোৱে কিমান ডলাৰ লাভ কৰিছিল সংলগ্ন ফটোখনত উল্লেখ আছে।
ফিফা বিশ্বকাপ ২০২২ৰ গ্ৰুপ ষ্টেজৰ খেলসমূহ তলত দিয়া ফটো অনুসৰি ভাৰতীয় সময়মতে আৰম্ভ হ’ব ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
