অসম লাইভ২৪ঃ কৃত্ৰিম বুদ্ধিমত্তা(Artificial intelligence) চমুকৈ AI-ৰ প্ৰযুক্তিকৌশলৰ এগৰাকী জনক আৰু পিতৃপুৰুষ জিওফ্ৰে’ হিন্টনে(৭৫) অলপতে Googleৰ পৰা পদত্যাগ কৰিছে। Googleৰ পৰা এজনৰ পাছত আনজনে পদত্যাগ কৰাৰ খবৰ পোহৰলৈ আহিছে। কিন্তু জিওফ্ৰে’ হিন্টনৰ পদত্যাগৰ লগত মানৱ সভ্যতাৰ ভৱিষ্যতৰ গুৰুতৰ বিষয় এটা জড়িত হৈ থকা বাবেই এই পদত্যাগৰ খবৰে সকলোৰে দৃষ্টি কাঢ়িছে। জিওফ্ৰেৰ পদত্যাগৰ পাছতেই ‘কৃত্ৰিম বুদ্ধিমত্তা’ক লৈ সমগ্ৰ বিশ্বতে চলি অহা বিতৰ্কইয়ো লাভ কৰিছে এক নতুন মাত্ৰা। ‘নিউয়ৰ্ক টাইমছ’ এ পোনতে হিন্টনৰ পদত্যাগৰ খবৰ প্ৰকাশ কৰিছিল।
‘নিউয়ৰ্ক টাইমছ’ক দিয়া এটা সাক্ষাৎকাৰত হিণ্টনে ‘কৃত্ৰিম বুদ্ধিমত্তা’ই কঢ়িয়াই আনিব পৰা সম্ভাব্য বিপদ সম্পৰ্কে মুকলিকৈ বক্তব্য ৰখাৰ স্বাৰ্থতেই পদত্যাগ কৰিছে প্ৰকাশ কৰিছে। আৰ্টিফিচিয়েল প্ৰযুক্তিকৌশল উদ্ভাৱন প্ৰক্ৰিয়াত জড়িত হোৱা বাবে এতিয়া অনুতাপত দগ্ধ হৈছে। BBC ক দিয়া এটা সাক্ষাৎকাৰতো হিন্টনে কৈছে, ‘Right now, they’re (AI) not more intelligent than us, as far as I can tell. But I think they soon may be.’
উল্লেখ্য যে, এটা দশকৰ আগেয়ে ‘কৃত্ৰিম বুদ্ধিমত্তা’ প্ৰযুক্তিকৌশলৰ উন্নয়নৰ বাবে হিণ্টনক Googleএ নিযুক্তি দিছিল। হিণ্টনেই ChatGPTৰ দৰে systemৰ বিকাশতো অৰিহণা যোগাইছিল। ‘কৃত্ৰিম বুদ্ধিমত্তা’ৰ বিকাশে বিশ্বত বিশেষ আলোড়ন তুলিছে। চিকিৎসাকে ধৰি শিক্ষা, উদ্যোগ, প্ৰতিৰক্ষা প্ৰায় সকলোবোৰ খণ্ডতে কৃত্ৰিম বুদ্ধিমত্তাৰ প্ৰয়োগ আৰম্ভ হৈছে। কিন্তু এই ‘কৃত্ৰিম বুদ্ধিমত্তা’ৰ সহায়েৰে কোনো অসৎ অভিপ্ৰায় থকা ব্যক্তিয়ে বিশ্বত যি কোনো প্ৰলয়ৰ সূচনাও কৰিব পাৰে বুলি বহুতেই সম্ভাৱনাও ব্যক্ত কৰিছে।
Mcafee নামৰ অনলাইন প্ৰতিষ্ঠানটোৱে ৭খন দেশৰ ৭,০৫৪ জন ব্যক্তিৰ মাজত এক সমীক্ষা চলাইছিল। কৃত্ৰিম বুদ্ধিমত্তা প্ৰয়োগ কৰি এক শ্ৰেণীৰ লোকে ৮৩ শতাংশ লোকৰ ধন আত্মসাৎ কৰিছে। ভাৰতৰো বহুলোক ইয়াৰ বলি হ’বলগীয়া হৈছে। ইতিমধ্যে Samsung Electronicsএ তেওঁলোকৰ কৰ্মচাৰীসকলক ChatGPT ৰ দৰে AI tools ব্যৱহাৰ কৰাৰ ওপৰত নিষেধাজ্ঞা আৰোপ কৰিছে। IBMৰ মুখ্য কাৰ্যবাহী বিষয়া অৰবিন্দ কৃষ্ণই Bloombergৰ এক সাক্ষাৎকাৰত স্বীকাৰ কৰিছে, ‘Upto 30% of the company’s back-office roles could be replaced by AI and automation within 5 years.’
জিওফ্ৰে’ হিন্টনেও সংবাদ মাধ্যমত দিয়া এটা সাক্ষাৎকাৰত স্বীকাৰ কৰি কৈছে, ‘I’m worried about AI generated media such as images and texts fooling internet users might not be able to differentiate between genuine and false media anymore. The rise of AI technology could negatively impact the job market.’ ইয়াৰ পাছতেই সকলোৰে মনত প্ৰশ্ন হৈ পৰিছে কৃত্ৰিম বুদ্ধিমত্তাৰ দ্বাৰা মানৱ সমাজৰ উপকাৰ সাধন হ’বনে সেয়া বহুতৰে মনত ডাঙৰ প্ৰশ্ন হৈ ধৰা দিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
