আজি মেট্ৰিকৰ ৰিজাল্ট দিছে৷ পিতৃ-মাতৃয়ে হিয়া ঢাকুৰি কান্দিছে৷ চুবুৰীয়াই পিতৃ-মাতৃক সান্ত্বনা দিবলৈ ভাষা বিচাৰি পোৱা নাই৷
এই হৃদয় বিদাৰক ঘটনাটো ঘটিছে নগাঁও জিলাৰ কামপুৰত৷ আজি ঘোষিত মেট্ৰিকৰ ফলাফলত এগৰাকী শিক্ষাৰ্থীয়ে ষ্টাৰ মাৰ্ক লাভ কৰি পৰীক্ষাত উত্তীৰ্ণ হৈছে৷
এই খবৰে স্বাভাৱিকতে উৎফুল্লিত কৰি তুলিব লাগিছিল পৰীক্ষাৰ্থীগৰাকীৰ ঘৰ তথা পৰিয়ালক৷ কিন্তু তাৰ বিপৰীতে ঘৰখনত আজি কান্দোনৰ ৰোল৷ যি কান্দোনে চুবুৰীয়াৰ চকুতো লুতক নিগৰাইছে৷ দুখত ভাগি পৰিছে পৰিয়ালৰ সকলো৷
লগতে পঢ়ক কংগ্ৰেছৰ খাকী কাপোৰ জ্বলোৱাৰ বিৰুদ্ধে RSSৰ ‘চাদ্দী’ অভিযান! কি এই চাদ্দী অভিযান?
কামপুৰৰ মপুৰৰ পৰীক্ষাৰ্থী পাৰভিচ আহমেদে আজি ঘোষিত হাইস্কুল শীক্ষান্ত পৰীক্ষাৰ ফলাফলত ষ্টাৰ মাৰ্কসহ দুটা বিষয়ত লেটাৰ মাৰ্ক পাই প্ৰথম বিভাগত উত্তীৰ্ণ হৈছে৷
কিন্তু নিয়তিৰ কি যে পৰিহাস! যোৱা ৯ মে’ত কপিলী নৈত গা ধুই থকা অৱস্থাত কৰুণভাৱে মৃত্যুক সাৱটি লৈছিল ছাত্ৰজনে৷
লগতে পঢ়ক প্ৰাক্তন স্বামীৰে মানহানি গোচৰত পৰাজয়, এম্বৰ হাৰ্ডক বিবাহৰ প্ৰস্তাৱ কোন চৌদি পুৰুষৰ?
ছাত্ৰজনৰ এই মৃত্যুক সহজে মানি ল’ব পৰা নাই পিতৃ–মাতৃৰ লগতে পৰিয়ালবৰ্গই৷ ফলাফল লাভ কৰাৰ পিছতে সেয়ে দুখত ভাগি পৰিছে পাৰভিচৰ পিতৃ-মাতৃ চাহাব উদ্দিন আৰু পাৰবিনা বেগমে৷
উল্লেখ্য যে চাহাব উদ্দিন আৰু পাৰবিনা বেগমৰ একমাত্ৰ সন্তান আছিল পাৰভিচ আহমেদ৷ সেয়ে তেওঁৰ ফলাফল পাইয়ে পিতৃ-মাতৃৰ লগতে পৰিয়ালসহ চুবুৰীয়া আৰু বিদ্যালয়ৰ কৰ্তৃপক্ষও শোকত ভাঙি পৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
