‘কেৱল মাতৃগৰ্ভত আৰু কবৰতহে সুৰক্ষিত নাৰী’, ছুইচাইড নোটত ব্যক্ত এগৰাকী নাৰীৰ অকথিত ব্যথা

অসম লাইভ ২৪ঃ বৰ্তমান সময়ত নাৰী কেৱল মাতৃগৰ্ভ আৰু কবৰতে সুৰক্ষিত৷ অপ্ৰিয় হ’লেও এই কথাই সত্য আৰু অতি প্ৰাসংগিক৷ আত্মহত্যাৰ পূৰ্বে এগৰাকী কিশোৰীৰ ছুইচাইড নোটত উদ্ধাৰ হৈছে কিছু চাঞ্চল্যকৰ তথ্য৷ তামিলনাডুত সংঘটিত হৈছে এই মৰ্মান্তিক ঘটনা৷ ছুইচাইড নোটত আত্মহত্যাকাৰীয়ে অভিযুক্তৰ নাম উল্লেখ কৰাৰ উপৰি বিশেষভাৱে উল্লেখ কৰিছে তিনিটা কথা৷ ‘কেৱল মাতৃগৰ্ভত আৰু কবৰতহে সুৰক্ষিত নাৰী’, ‘যৌন শোষণ বন্ধ কৰক’ আৰু ‘মোক ন্যায় দিয়ক…’ এনেধৰণে ছুইচাইড নোটত বহু কথাই উল্লেখ কৰে কিশোৰীগৰাকীয়ে৷ ইতিমধ্যে যৌন শোষণৰ অপৰাধত চেন্নাই আৰক্ষীৰ জালত পৰিছে এজন ছাত্ৰ৷ সম্প্ৰতি POCSO আইনৰ অধীনত গোচৰ ৰুজু কৰিছে আৰক্ষীয়ে৷ কিশোৰীগৰাকীৰ ছুইচাইড নোটৰ ওপৰত ভিত্তি কৰি তদন্ত অব্যাহত ৰাখিছে আৰক্ষীয়ে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ