অসম লাইভ ২৪ঃ চৰকাৰৰ শাসনভাৰ গ্ৰহণ কৰিয়েই ৰাজ্যৰ নতুন বিজেপি চৰকাৰে সিদ্ধান্ত গ্ৰহণ কৰিছিল যে প্ৰথম বৰ্ষতে এক লাখ নতুন যুৱক-যুৱতীক চৰকাৰী চাকৰিত নিযুক্তি দিব। ইয়াকে কেন্দ্ৰ কৰি মুখ্যমন্ত্ৰীয়ে ইতিমধ্যে চৰকাৰৰ সকলো বিভাগকে খালী থকা পদৰ বিজ্ঞাপন মুকলি কৰাৰ নিৰ্দেশ প্ৰদান কৰিছে। ইতিমধ্যে মুখ্যমন্ত্ৰী ড০ হিমন্ত বিশ্ব শৰ্মাৰ নেতৃত্বত বহু হাজৰ টেট উত্তীৰ্ণ যুৱক-যুৱতীক শিক্ষকৰ চাকৰিৰ নিযুক্তিপত্ৰ প্ৰদান কৰিছে। লগতে স্পষ্টও কৰিছিল যে অনাগত দিনত শিক্ষখণ্ডত আৰু কেইবা হাজাৰ যুৱক-যুৱতীক নিযুক্তি দিয়াৰ কথা। কিন্তু শিক্ষাখণ্ডত নিযুক্তি দিয়া এই যুৱক-যুৱতীসকলৰ সংখ্যাই চৰকাৰে দিয়া প্ৰতিশ্ৰুতি অনুসৰি একলাখ নিযুক্তৰ ঘৰ নুচুয়েগৈ। সেয়েহে প্ৰথম বৰ্ষপুতিতে এক লাখ নিযুক্তি সম্পূৰ্ণ কৰাৰ সিদ্ধান্ত লোৱা মুখ্যমন্ত্ৰীয়ে সকলো চৰকাৰী বিভাগক নিযুক্তি মুকলি কৰিবৰ বাবে নিৰ্দেশ প্ৰদান কৰিছে। কিন্তু এক লাখ যুৱক-যুৱতীক নিযুক্তি দিবৰ বাবে খৰতকীয়া কৰিব লাগিব সাক্ষ্যৎকাৰ প্ৰক্ৰিয়াটো। নিযুক্তি খৰতকীয়া কৰিবৰ বাবেই এই সাক্ষ্যৎকাৰ ব্যৱস্থা সলনি কৰাৰ চিন্তা চৰ্চা কৰি আছে। বিভিন্ন সংবাদ মাধ্যমত প্ৰকাশ পোৱা তথ্য অনুসৰি ২০২২ চনৰ পৰা ৰাজ্য চৰকাৰৰ বিভাগসমূহে নিজাববীয়াকৈ সুকীয়া সুকীয়াকৈ পাতিব নোৱাৰিব পৰীক্ষা। লগতে নিযুক্তি খৰতকীয়া কৰিবৰ বাবে Common Test অনুষ্ঠিত কৰাৰ চিন্তা-চৰ্চা কৰি আছে ৰাজ্য চৰকাৰে। বিভাগসমূহৰ যিসমূহ পদৰ বাবে ন্যূনতম শিক্ষাগত অৰ্হতা একেই লাগে, ইয়াৰ ওপৰিও তৃতীয় আৰু চতুৰ্থ বৰ্গৰ পদত নিযুক্তিৰ বাবে Common Testৰ জৰিয়তে নিযুক্তি দিয়াৰ চিন্তা-চৰ্চা কৰি আছে অসম চৰকাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
