হাইলাকান্দিৰ ইউনিচেক্স পাৰ্লাৰত হাহাকাৰ, আৰক্ষীৰে ভৰি পৰিল মুহুৰ্ততে
আজি ১৯ মাৰ্চ তাৰিখে পুৱাই হাইলাকান্দিৰ এখন ইউনিচেক্স পাৰ্লাৰত হাহাকাৰ। পুৱা পাৰ্লাৰ খনৰ কাম কাজ আৰম্ভ কৰাৰ বাবে খোলাৰ পাছতে হাহাকাৰ লাগি যায়।
পাৰ্লাৰ খনৰ ভিতৰত এটা বাকচৰ ভিতৰত পুৱা উদ্ধাৰ হয় পাৰ্লাৰখনৰেই গৰাকীৰ মৃতদেহ। যি ঘটনা সদৰি হোৱাৰ লগে লগে চৌদিশে সৃষ্টি হয় চাঞ্চল্যৰ।
হাইলাকান্দিৰ সূৰ্য মাৰ্কেটত থকা ৰিলেকছ ইউনিচেক্স নামৰ পাৰ্লাৰখনত উদ্ধাৰ হৈছে মৃতদেহটো। পাৰ্লাৰখনৰ গৰাকীৰ নাম উত্তম শীল।
ৰাতিপুৱা কৰ্মচাৰীয়ে পাৰ্লাৰ খোলাৰ পিছতে মৃতদেহটো প্ৰত্যক্ষ কৰি হুৱাদুৱা লগাই দিয়ে। লগে লগে আৰক্ষীৰ লগতে পৰিয়ালৰ লোককো ঘটনা সন্দৰ্ভত খবৰ কৰা হয়। খবৰ লাভৰ পাছতে ঘটনাস্থলীত আৰক্ষী উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰাৰ লগতে ঘটনা সন্দৰ্ভত তদন্ত আৰম্ভ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
