সমস্যা সমাধান, একেলগেই নিৰ্বাচনত নামিব কংগ্ৰেছ-আপ, মিত্ৰতা অটুট
কংগ্ৰেছ আৰু আম আদমী পাৰ্টীৰ মাজৰ মিত্ৰতা ভংগ হোৱাৰ ইংগিতে দেখা দিছিল কালিলৈকে। পাছে সকলো সমস্যাৰ সমাধান এতিয়া। মিত্ৰতা অটুট থাকিব দুয়ো ৰাজনৈতিক দলৰ। এতিয়া হাৰিয়ানা নিৰ্বাচনত একেলগেই নিৰ্বাচনত নামিব দুয়োদলে। দুয়ো দলৰ মাজত আসনক লৈ বুজা বুজা।
দুয়ো দলৰ মাজৰ বুজা বুজি ফাইনেল হোৱা বুলি অৱশ্যে এতিয়াও সদৰি কৰা নাই। কেৱল গোপন সূত্ৰে প্ৰকাশ পাইছে এই খবৰ। কাইলৈ ৯ ছেপ্টেম্বৰ তাৰিখেহে এই বিষয়ে আনুষ্ঠানিক ঘোষণা হোৱাৰ সম্ভাৱনা। বৰ্তমানে দুয়ো দলৰ শীৰ্ষ নেতৃত্বৰ মাজত বৈঠক অনুষ্ঠতি হৈ আছে।
উল্লেখ্য যে, হাৰিয়ানাত ৮ অক্টোবৰত বিধানসভা নিৰ্বাচন অনুষ্ঠিত হবলৈ গৈ আছে। ৰাজ্য খনত মুঠ ৯০ খন বিধনসভাৰ আসন। সেয়ে মিত্ৰতাত থকা দলৰ বাবে সমস্যাই দখা দিছে কোন দলে কিমান প্ৰাৰ্থী প্ৰক্ষেপ কৰিব নিৰ্বাচনলৈ বুলি। তাকে লৈ আম আদমী পাৰ্টী আৰু কংগ্ৰেছৰ মাজতো কিছু মতানৈক্যৰ দেখা দিছিল। পাছ এই মতানৈক্য এতিয়া অন্ত। পুনৰ একলগ দুয়ো দল।
আৰম্ভণিতে আপে ৰাজ্য খনত মুঠ ২০ আসন বিচাৰিছিল নিৰ্বাচন খেলিবৰ বাবে। কিন্তু কংগ্ৰেছ এই কথাত সন্মত নহয়। কিয়নো ৰাজ্যখনত আম আদমী পাৰ্টীৰ বিশেষ এটা আকৰ্ষণ নাই। যাৰ বাবে আপে শেষত কমেও ১০ খন আসন বিচাৰিছিল। তাতো সন্মতি দিয়া নাছিল কংগ্ৰেছে। যাৰ বাব উপায়বিহীন হৈ আপে অকলেই নিৰ্বাচন খেলিব বুলি ইংগিত পোৱা গৈছিল।
পাছে অৱশেষত দুয়ো দলৰ মাজত বুজাবুজি হয়। কিন্তু এতিয়াও আপে কিমান কেইখন আসনত প্ৰতিদ্বন্দিতা কৰিব পাৰিব সেই বিষয়ে জানিব পৰা হোৱা নাই। আসন অনুযায়ী প্ৰাৰ্থীৰ তালিকা প্ৰকাশ পালেহে এই বিষয়ে সঠিককৈ জানিব পৰা যাব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
