দুদিন বন্ধ থাকিব UPI পৰিসেৱা৷ গ্ৰাহকক আগতীয়াকৈয়ে এই তথ্য জনাইছে HDFC বেংকে৷ দেশৰ বৃহত্তম বেচৰকাৰী বেংক HDFCয়ে জনোৱা অনুসৰি নৱেম্বৰ মাহত মুঠ দুদিন UPI পৰিসেৱাই কাম নকৰিব৷ চিষ্টেম কামৰ বাবে আগন্তুক ৫ নৱেম্বৰ আৰু ২৩ নৱেম্বৰত বন্ধ থাকিব UPI পৰিসেৱা৷ HDFC বেংকৰ তৰফৰ পৰা দিয়া তথ্য অনুসৰি আগন্তুক ৫ নৱেম্বৰৰ দুপৰীয়া ১২বজাৰ পৰা দুপৰীয়া ২ বজালৈ আৰু ২৩ নৱেম্বৰৰ দুপৰীয়া ১২ বজাৰ পৰা ৩ বজালৈ বন্ধ থাকিব UPI পৰিসেৱা৷
HDFC ৰূপে ক্ৰেডিট কাৰ্ড, কাৰেণ্ট একাউণ্ট আৰু ছেভিংছ একাউণ্টত ফাইনেন্সিয়েল আৰু নন ফাইনেন্সিয়েল ইউপিআই লেনদেন বন্ধ থাকিব এই সময়ত৷ HDFC মোবাইল বেংকিং এপ, জি পে, হোৱাটছ এপ পে, পেটিএম, মোবিকুইক ইত্যাদি ক্ষেত্ৰতো একেধৰণেই বন্ধ থাকিব সমূহ লেনদেন৷
বৰ্তমান সময়ত ইউপিআইৰ ব্যাপক চাহিদা৷ খাদ্যৰ বিলৰ পৰা বিদ্যুৎ বিল, শ্বপিং সকলো ক্ষেত্ৰতেই লেনদেনৰ বাবে ইউপিআইৰ ব্যৱহাৰ বাঢ়িছে৷ দিনৰ ২৪ ঘন্টাই এই পদ্ধতিৰে লেনদেন কৰে প্ৰায়সংখ্যকেই৷ বেংকৰ শাখা যিদিনা বন্ধ থাকে সেইদিনাও বন্ধ থাকে ইউপিআই পৰিসেৱা৷ ফলত বেছ সুবিধা পায় ব্যৱহাৰকাৰীয়ে৷ কেতিয়াবা কেতিয়াবা জৰুৰী কিছু চিষ্টেম আপডেটৰ বাবে এই ইউপিআই পৰিসেৱা বন্ধ ৰাখে বেংকে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
