কেটৰিণা কাইফ আৰু ছলমান খান, এসময়ত বলীউডৰ অন্যতম পাৱাৰ কাপোল আছিল৷ এক কথাত অন্যতম যুঁটি৷ তেওঁলোকৰ বিভিন্ন ৰোমাণ্টিক ভি়ডিঅ’, ছবি ভাইৰেল হৈছিল সামাজিক মাধ্যমত৷ ছলমানেও খুব বেছিকৈয়ে গুৰুত্ব দিয়া দেখা গৈছিল কেটক৷ সেই কেট এতিয়া বিকি কৌশলৰ পত্নী৷
এসময়ত তেওঁলোকৰ সম্পৰ্কৰ খুবেই চৰ্চা হৈছিল৷ কিন্তু সেই সম্পৰ্ক খুব বেছিদিন স্থায়ী নহ’ল৷ কাৰণ এটাই কেটৰিণাৰ জীৱনত বলীউডৰ ছলমানে বিশেষ প্ৰভাৱ পেলাব নোৱাৰিলে৷ চিনেমাৰ বাবে কাষে কাষে থাকিলেও ছলমান মনৰ মানুহ হৈ উঠিব নোৱাৰিলে কেটৰ৷ তাৰপাছতেই কেটৰ জীৱনলৈ আহে ৰণবীৰ কাপুৰ৷ তাৰ পৰবৰ্তী সময়তহে আহে বিকি কৌশল৷
অন্যসকলৰ তুলনাত কিন্তু ছলমান আৰু কেটৰ সম্পৰ্ক চিনেমাৰ দৰে৷ শুনামতে এনে সম্পৰ্ক খুব কমেই থাকে প্ৰেমিক-প্ৰেমিকাৰ মাজত৷ তেওঁলোকেৰ প্ৰথম দেখাৰ গল্পও কম বেছি পৰিমানে সকলোৱে জানে৷ গেলেক্সিতেই প্ৰথম ছলমান খানক কেটে দেখিছিল৷
অৰ্পিতাৰ জন্মদিনত তেওঁ নিমন্ত্ৰণ পাইছিল৷ গেলেক্সিত সোমাই কেটে ঘৰটো ঘূৰি ঘূৰি চাইছিল৷ সেই সময়তেই ছলমান খান ঘৰত সোমাই পৰিব৷ সেই সময়ত বাথৰুমৰ পৰা বাহিৰলৈ ওলাইছিল ভাইজান৷ হঠাৎ বাহিৰলৈ ওলায়েই কেটক দেখি চমকি উঠে ছলমান৷ কেটো অবাক হৈ পৰে৷ ধৰিব নোৱাৰিলে সেই সময়ত কি কৰিব? সেই দেখাই ছলমানৰ মনত কেটৰ প্ৰতি আনিলে দুৰ্বলতা৷ লাহে লাহে যোগাযোগ বাঢ়িল৷ ছলমানেই কেটক আনিলে বলীউডলৈ৷ তেতিয়ালৈ বলীউডৰ কোনো নামী দামী প্ৰডিউছাৰ, ডাইৰেক্টৰে কাম কৰাৰ সুযোগ দিয়া নাছিল কেটক৷
ছলমানে কেটক প্ৰথম বলীউডত ডেবিউ কৰাৰ সুযোগ দিয়ে৷ তাৰপাছতেই আৰম্ভ প্ৰেম৷ যদিও কেট আৰু ছলমান এতিয়া পৃথক কিন্তু সেই প্ৰেম কাহিনী আজিও জানিব খোজে বহুজনে৷ বিবাহৰ পাছতো কেটৰিণা আৰু ছলমানে টাইগাৰ থ্ৰি ছবিখনত একেলগে কাম কৰিছে৷ সেই ছবিয়েই ছলমান-কেটৰ বৰ্তমানলৈকে একেলগে কৰা শেষৰখন ছবি৷ বলীউডৰ একাংশ সূত্ৰই জনাইছে যে বিবাহৰ পূৰ্বে চুক্তিবদ্ধ হোৱাৰ বাবে সেই ছবিত কাম কৰিলে কেটে৷ ভৱিষ্যতে আৰু ছলমান -কেটে একেলগে কাম নকৰাৰ সম্ভাৱনাই বেছি৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
