আপোনাৰ চুলি শুকান হৈ পৰিছে নেকি? যদি শুকান হৈ পৰিছে তেন্তে ইয়াক সময়মতে কেয়াৰ নল’লে চুলিৰ আগ ফাটিবলৈ ধৰে, চুলি সৰিবলৈ ধৰে৷ গুৰিলৈকে চুলি শুকাবলৈ ধৰিলে উফিও হ’বলৈ আৰম্ভ কৰে৷ এতিয়া বজাৰত ইয়াক ৰোধৰ বাবে বিভিন্ন ধৰণৰ চেম্পু, হেয়াৰ মাক্স আদি পোৱা যায়৷ কিন্তু ঘৰুৱা উপায়েৰেও ইয়াক নিৰ্মূল কৰিব পাৰি৷ ঘৰতেই আপুনি ঘৰুৱা উপাদান ব্যৱহাৰ কৰি ইয়াক ৰোধ কৰিব পাৰে৷ চুলিৰ বাবে কণী খুবেই উপকাৰী বুলি বহুজনেই কয়৷ হেয়াৰ বিশেষজ্ঞসকলেও ইয়াক স্বীকাৰ কৰে৷ কিন্তু আপুনি চুলিত কণী কেনেকৈ লগাব? তাৰো নিৰ্দিষ্ট কিছু উপায় আছে৷
কণীৰে চুলিৰ মাস্ক বনাওক
প্ৰথমে এটা কণী ভাঙি লওক৷ তাত এচামুছ অলিভ অইল দিব৷ তাৰপিছতেই উপাদান দুটা ভালকৈ মিহলাই হওক৷ এই উপাদান দুবিধ ভালকৈ মিহলি হৈ পৰাৰ পাছত ইয়াক হেয়াৰ মাস্ক হিচাপে আপুনি লগাব পাৰে৷
এই মাস্ক কেনেকৈ চুলিত লগাব?
পুষ্টিকৰ উপাদান সমৃদ্ধি এই মাস্ক কেৱল মূৰৰ ছালতেই নহয় চুলিৰ আগতো লগাব৷ উত্তম ফলাফলৰ বাবে এই মাস্ক প্ৰায় আধা ঘণ্টা ধৰি লগাই থব৷ ৩০ মিনিটৰ পিছত চুলিখিনি ধুই পেলাব৷ চুলি ধুবলৈ শীতল পানী ব্যৱহাৰ কৰক৷
চুলিৰ বাবে উপকাৰী
এই চুলিৰ মাস্কত থকা উপাদানসমূহে আৰ্দ্ৰতা লক কৰাত ফলপ্ৰসূ হব পাৰে৷ যদি আপুনি শুকান চুলি কোমল কৰিব বিচাৰিছে তেন্তে সপ্তাহত এবাৰলৈ এই হেয়াৰ মাস্ক ব্যৱহাৰ কৰক৷ এই হেয়াৰ মাস্কে আপোনাৰ চুলি মজবুত কৰিব৷ চুলি সৰাৰ বিৰুদ্ধেও ই যুঁজ দিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
