ৰাছিয়া আৰু ইউক্ৰেইনৰ মাজৰ যুদ্ধ এতিয়াও সমাপ্ত হোৱা নাই। ১০০ দিনতকৈ অধিক সময় ধৰি চলি থকা এই যুদ্ধত ইউক্ৰেইনৰ যথেষ্ট ক্ষতি হৈছে। একে সময়তে ৰাছিয়াই দিনক দিনে আক্ৰমণ বৃদ্ধিহে কৰি আছে।
ইয়াৰ মাজতে বুধবাৰে ব্ৰিটিছ প্ৰধানমন্ত্ৰী বৰিছ জনছনে ঠাট্টা কৰি কয় যে যদি ৰাছিয়াৰ ৰাষ্ট্ৰপতি ভ্লাদিমিৰ পুটিন এগৰাকী মহিলা হ’লহেঁতেন তেন্তে এই যুদ্ধ আৰম্ভ নহ’লহেঁতেন।
জাৰ্মান সম্প্ৰচাৰক জে ডি এফক জনাই জনছনে কয় যে পুটিন যদি এগৰাকী মহিলা হ’লহেঁতেন তেন্তে তেওঁ এনে পুৰুষসুলভ যুদ্ধ আৰম্ভ কৰিলেহেঁতেন বুলি মই নাভাবো।
লগতে পঢ়ক ৮৭ বছৰীয়া ব্যক্তিয়ে ২৯ বছৰ ৰোমাঞ্চকৰ জীৱন কটালে এটা দ্বীপৰ গভীৰ অৰণ্যত! কোন তেওঁ?
সাক্ষাৎকাৰৰ সময়ত ব্ৰিটিছ প্ৰধানমন্ত্ৰীয়েও জোৰ দি কয় যে সকলোৱে ৰুছ-ইউক্ৰেইন যুদ্ধৰ অন্ত হোৱাটো বিচাৰে যিহেতু ইয়াৰ কোনো সম্ভাৱ্য চুক্তি নাই। পুটিনে শান্তি চুক্তিৰ কোনো প্ৰস্তাৱ নিদিয়ে আৰু জেলেনস্কিয়েও দিব নোৱাৰে।
ইয়াৰ পূৰ্বে দেওবাৰে জি ৭ৰ নেতাসকলে পুটিনৰ চাৰ্টবিহীন, উদং বুকুৰ ঘোঁৰাত উঠি থকা ফটোখনক লৈ ঠাট্টা কৰিছিল। বৰিছ জনছন আৰু তেওঁৰ কানাডাৰ প্ৰধানমন্ত্ৰী জাষ্টিন ট্ৰুডোৱে পুটিনৰ ফ’টো শ্বুটক লৈ ধেমালি কৰা এটা ভিডিঅ’ ভাইৰেল হৈছে।
কৌতুকটো আৰম্ভ কৰি বৰিছ জনছনে কয় — ‘জেকেট পিন্ধিছেনে? জেকেটটো খুলি দিব?’
ইয়াৰ প্ৰত্যুত্তৰত কানাডাৰ প্ৰধানমন্ত্ৰী জাষ্টিন ট্ৰুডোৱে কোৱা শুনা যায়— ‘ফ’টো উঠিবলৈ অপেক্ষা কৰক।’ লগে লগে বৰিছ জনছনে আকৌ কয়— ‘আমি দেখুৱাব লাগিব যে আমি পুটিনতকৈও শক্তিশালী।’
লগতে পঢ়ক সংবাদ মাধ্যমৰ বিৰামহীন হেঁচাত অসুস্থ ধৃতিৰাজ! ধৃতিৰাজক বিশ্ৰাম দিয়াৰ আহ্বান পৰিয়ালৰ
ইফালে নাটোৱে ৰাছিয়াক নিজৰ সদস্য দেশসমূহৰ শান্তি আৰু নিৰাপত্তাৰ প্ৰতি আটাইতকৈ ডাঙৰ আৰু প্ৰত্যক্ষ ভাবুকি বুলি অভিহিত কৰিছে। ত্ৰিশখন দেশৰ মিত্ৰজোঁটে বুধবাৰে মাদ্ৰিদত অনুষ্ঠিত শীৰ্ষ সন্মিলনত এক বিবৃতিযোগে এই কথা কয়।
নাটোৰ এই ঘোষণাই ৰাছিয়াৰ ইউক্ৰেইন আক্ৰমণে শীতল যুদ্ধৰ পিছৰ ইউৰোপৰ নিৰাপত্তা ব্যৱস্থাত কেনেদৰে নাটকীয়ভাৱে প্ৰভাৱ পেলাইছে তাৰ ওপৰত গুৰুত্ব আৰোপ কৰিছে। ইউক্ৰেইনৰ ৰাষ্ট্ৰপতি ভল’ডিমিৰ জেলেনস্কিয়ে বুধবাৰে নিজৰ দেশক সম্পূৰ্ণৰূপে সহায় নকৰাৰ বাবে নাটোৰ ওপৰত অসন্তুষ্টি প্ৰকাশ কৰি ৰাছিয়াৰ বিৰুদ্ধে যুঁজিবলৈ আৰু অধিক অস্ত্ৰ-শস্ত্ৰৰ বাবে অনুৰোধ জনায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
